نیپا واقعہ: بی آر ٹی ریڈ لائن کی تعمیرات بچہ گرنے کے حادثے کی وجہ قرار

تحقیقات مکمل

کراچی(ڈیلی پاکستان آن لائن) کراچی کے علاقے گلشن اقبال میں نیپا کے قریب بچے کے گٹر میں گر کر جاں بحق ہونے کی تحقیقات مکمل کر لی گئی۔

یہ بھی پڑھیں: پاکستان کا دفاع ناقابل تسخیر ہے، سیاسی و اقتصادی استحکام سپرپاور بنادے گا: خرم نواز گنڈا پور

تحقیقی رپورٹ کی تفصیلات

نجی ٹی وی چینل دنیا نیوز کے مطابق کراچی میٹروپولیٹن کارپوریشن (کے ایم سی) نے گلشن اقبال ٹاؤن میں نیپا فلائی اوور کے قریب نجی سٹور کے سامنے بچے کے گٹر میں گرنے کے واقعے سے متعلق تحقیقاتی رپورٹ سیکرٹری محکمہ بلدیات کو بھجوا دی ہے۔ اس رپورٹ میں بی آر ٹی ریڈ لائن کی تعمیرات کو حادثے کی وجہ قرار دیا گیا ہے۔

یہ بھی پڑھیں: وفاقی کابینہ کا اجلاس آج ہوگا،وقت تبدیل ، 16 نکاتی ایجنڈا بھی جاری

میئر کراچی کا حکم اور آپریشن

سینئر ڈائریکٹر میونسپل سروسز نے اپنی رپورٹ میں لکھا کہ میئر کراچی کے حکم پر میونسپل سروسز نے بچے کی تلاش کا آپریشن شروع کیا، جس کے نتیجے میں گلشن ٹاؤن کے لنک نالے سے بچے کی نعش برآمد ہوئی۔ معائنے میں یہ واضح ہوا کہ حادثے کی وجہ بی آر ٹی تعمیرات تھیں، جو نالے کے پورے نکاسی کے نظام کو شدید نقصان پہنچا چکی تھیں۔ عارضی دو فٹ کے کور لگا کر گٹروں کو بند کرنے کی کوشش کی گئی تھی۔

یہ بھی پڑھیں: توقع ہے شکیل ترابی سیاسی جماعتوں کے باہمی تعلقات کے فروغ میں اہم کردار ادا کریں گے:سینیٹر عرفان صدیقی

غفلت اور غیر معیاری سامان

تحقیقاتی رپورٹ میں کہا گیا ہے کہ ریڈ لائن منصوبے کی جانب سے ایک جگہ مین ہول کھلا رہنے سے سانحہ پیش آیا۔ یہ طریقہ کار اور غیر معیاری ڈھکن کبھی کے ایم سی کی جانب سے استعمال نہیں کیے گئے۔

یہ بھی پڑھیں: کوئٹہ میں پسند کی شادی کرنے والے میاں بیوی کو قتل کرنے کے الزام میں 11 افراد گرفتار

ذمہ داری کا تعین

رپورٹ مزید کہتی ہے کہ بی آر ٹی نے کام شروع کرنے سے پہلے کے ایم سی کو آگاہ نہیں کیا۔ کھدائی بی آر ٹی کی جانی تھی اور بعد میں صورتحال کو نظرانداز کیا گیا۔ بچہ گٹر میں اس وقت گرا جب نجی سٹور انتظامیہ اور بی آر ٹی کی غفلت کے نتیجے میں حالات پیدا ہوئے۔ افسران کی نگرانی میں کھدائی شدہ تمام حصے بھر دیئے گئے ہیں۔

یہ بھی پڑھیں: لبنانی حکومت نے کہا پاکستان خوش قسمت ملک ، سرحدیں محفوظ ہیں: رانا مشہود

واقعہ کی شدت

واضح رہے کہ گلشن اقبال میں نیپا چورنگی کے قریب اتوار کی رات 3 سالہ ابراہیم نجی ڈیپارٹمنٹل سٹور کے باہر گٹر میں گر گیا تھا۔ بچے کی والدہ کی دردناک ویڈیو سوشل میڈیا پر وائرل ہوگئی تھی۔

خود امدادی کوششیں

اہلخانہ اور اہل محلہ نے اپنی مدد آپ کے تحت مشینری بلاکر 3 سالہ ابراہیم کی تلاش شروع کی تھی، تاہم پوری رات گزرنے کے باوجود بچہ نہیں مل سکا تھا۔ واقعے کے 14 گھنٹے بعد مقامی نوجوان نے بچے کی نعش جائے حادثہ سے تقریباً ایک کلومیٹر کے فاصلے پر نالے سے تلاش کر لی تھی.