نیپا واقعہ: بی آر ٹی ریڈ لائن کی تعمیرات بچہ گرنے کے حادثے کی وجہ قرار
تحقیقات مکمل
کراچی(ڈیلی پاکستان آن لائن) کراچی کے علاقے گلشن اقبال میں نیپا کے قریب بچے کے گٹر میں گر کر جاں بحق ہونے کی تحقیقات مکمل کر لی گئی۔
یہ بھی پڑھیں: نئی دہلی میں رہائشی عمارت زمین بوس ، ایک ہی خاندان کے 11 افراد ہلاک
تحقیقی رپورٹ کی تفصیلات
نجی ٹی وی چینل دنیا نیوز کے مطابق کراچی میٹروپولیٹن کارپوریشن (کے ایم سی) نے گلشن اقبال ٹاؤن میں نیپا فلائی اوور کے قریب نجی سٹور کے سامنے بچے کے گٹر میں گرنے کے واقعے سے متعلق تحقیقاتی رپورٹ سیکرٹری محکمہ بلدیات کو بھجوا دی ہے۔ اس رپورٹ میں بی آر ٹی ریڈ لائن کی تعمیرات کو حادثے کی وجہ قرار دیا گیا ہے۔
یہ بھی پڑھیں: کسٹمز نے ضبط شدہ ایک ارب سے زائد مالیت کا سامان تلف کر دیا
میئر کراچی کا حکم اور آپریشن
سینئر ڈائریکٹر میونسپل سروسز نے اپنی رپورٹ میں لکھا کہ میئر کراچی کے حکم پر میونسپل سروسز نے بچے کی تلاش کا آپریشن شروع کیا، جس کے نتیجے میں گلشن ٹاؤن کے لنک نالے سے بچے کی نعش برآمد ہوئی۔ معائنے میں یہ واضح ہوا کہ حادثے کی وجہ بی آر ٹی تعمیرات تھیں، جو نالے کے پورے نکاسی کے نظام کو شدید نقصان پہنچا چکی تھیں۔ عارضی دو فٹ کے کور لگا کر گٹروں کو بند کرنے کی کوشش کی گئی تھی۔
یہ بھی پڑھیں: ہفتے کے آخر میں سونے کی قیمتوں میں بڑا اضافہ، فی تولہ سونا 3 لاکھ 59 ہزار 800 روپے کا ہوگیا
غفلت اور غیر معیاری سامان
تحقیقاتی رپورٹ میں کہا گیا ہے کہ ریڈ لائن منصوبے کی جانب سے ایک جگہ مین ہول کھلا رہنے سے سانحہ پیش آیا۔ یہ طریقہ کار اور غیر معیاری ڈھکن کبھی کے ایم سی کی جانب سے استعمال نہیں کیے گئے۔
یہ بھی پڑھیں: شادی نہ کرنے کی رنجش، لڑکی نے لڑکے پر تیزاب پھینک دیا
ذمہ داری کا تعین
رپورٹ مزید کہتی ہے کہ بی آر ٹی نے کام شروع کرنے سے پہلے کے ایم سی کو آگاہ نہیں کیا۔ کھدائی بی آر ٹی کی جانی تھی اور بعد میں صورتحال کو نظرانداز کیا گیا۔ بچہ گٹر میں اس وقت گرا جب نجی سٹور انتظامیہ اور بی آر ٹی کی غفلت کے نتیجے میں حالات پیدا ہوئے۔ افسران کی نگرانی میں کھدائی شدہ تمام حصے بھر دیئے گئے ہیں۔
یہ بھی پڑھیں: پاکستان باڈی بلڈنگ فیڈریشن نے مجھے سرپرستی کا کہا، میں ہر مثبت اور تعمیری کام میں کردار کے لیے تیار ہوں:چوہدری شجاعت حسین
واقعہ کی شدت
واضح رہے کہ گلشن اقبال میں نیپا چورنگی کے قریب اتوار کی رات 3 سالہ ابراہیم نجی ڈیپارٹمنٹل سٹور کے باہر گٹر میں گر گیا تھا۔ بچے کی والدہ کی دردناک ویڈیو سوشل میڈیا پر وائرل ہوگئی تھی۔
خود امدادی کوششیں
اہلخانہ اور اہل محلہ نے اپنی مدد آپ کے تحت مشینری بلاکر 3 سالہ ابراہیم کی تلاش شروع کی تھی، تاہم پوری رات گزرنے کے باوجود بچہ نہیں مل سکا تھا۔ واقعے کے 14 گھنٹے بعد مقامی نوجوان نے بچے کی نعش جائے حادثہ سے تقریباً ایک کلومیٹر کے فاصلے پر نالے سے تلاش کر لی تھی.
