نیپا چورنگی پر مین ہول میں گرنے سے 3 سالہ بچے کی ہلاکت، وزیراعلیٰ سندھ کی ہدایت پر 5 متعلقہ افسران معطل

کراچی(ڈیلی پاکستان آن لائن) وزیراعلیٰ سندھ مراد علی شاہ کی ہدایت پر نیپا چورنگی پر مین ہول میں گرنے سے 3 سالہ بچے کے جاں بحق ہونے کے نتیجے میں 5 متعلقہ افسران کو معطل کردیا گیا۔

یہ بھی پڑھیں: علامتیں اور شناختیں بچپن سے ہی آپ کو لاحق ہو جاتی ہیں، آپ کبھی بھی دور نہیں کر سکتے، انہیں محض معمولاتِ زندگی کی حیثیت سے قبول کر لیا جاتا ہے.

اجلاس اور افسوس کا اظہار

وزیر اعلیٰ سندھ کی زیر صدارت نیپا چورنگی واقعے سے متعلق اجلاس ہوا، جس میں صوبائی وزرا، کے ایم سی، ٹاؤن انتظامیہ، ریونیو، اور پولیس حکام نے شرکت کی۔

وزیر اعلیٰ سندھ نے کہا کہ بچے کے جاں بحق ہونے پر دلی افسوس ہے۔ انہوں نے کہا کہ جس کی بھی کوتاہی ہے، اس کے خلاف سخت کارروائی کی جائے گی، اور ایک دوسرے پر ذمہ داری عائد کرنا افسوسناک ہے۔

معطلی کا عمل

ذرائع کے مطابق، وزیراعلیٰ نے ہدایت کی کہ تمام متعلقہ افسران کو معطل کیا جائے، اور چیف سیکرٹری سندھ آج ہی ذمہ دار افسران کے خلاف کارروائی کریں۔

وزیراعلیٰ کی ہدایت پر محکمہ بلدیات سندھ نے بلدیہ عظمیٰ کراچی کے سینئر ڈائریکٹر میونسپل سروسز عمران راجپوت کو معطل کردیا۔

ٹاؤن میونسپل کارپوریشن گلشن اقبال کے اسسٹنٹ انجینئر راشد فیاض اور کراچی واٹر اینڈ سیوریج کارپوریشن کے ایگزیکٹو انجینئر وقار احمد کو بھی معطل کیا گیا ہے۔

اسسٹنٹ کمشنر گلشن اقبال عامر علی شاہ اور مختیارکار گلشن اقبال سلمان فارسی کو بھی معطل کردیا گیا ہے۔