منگیتر کے کہنے پر شہری کو قتل کرنے والے ملزم کی سزائے موت کالعدم

لاہور ہائیکورٹ کا فیصلہ

لاہور(ڈیلی پاکستان آن لائن) لاہور ہائیکورٹ نے منگیتر کے کہنے پر شہری کو قتل کرنے والے ملزم کی سزائے موت کالعدم قرار دے دی۔

یہ بھی پڑھیں: فیلڈ مارشل عاصم منیر کی قیادت میں افواج پاکستان نے افغانستان کے حملوں کو پسپا کیا، شہباز شریف

عدالتی کارروائی

نجی ٹی وی چینل دنیا نیوز کے مطابق جسٹس شہرام سرور کی سربراہی میں دو رکنی بنچ نے اپیل پر سماعت کی۔ عدالت نے ملزم نادر کی اپیل کو منظور کرتے ہوئے رہا کرنے کا حکم دے دیا، جسٹس شہرام سرور نے کہا کہ نامعلوم کے خلاف مقدمہ درج ہوا پھر بعد میں نامزد کیسے کیا۔

یہ بھی پڑھیں: لیسکو کا بجلی چوروں کے خلاف بڑا ایکشن، اہلکار برطرف، متعدد کنکشنز منقطع

مدعی وکیل کا موقف

مدعی وکیل نے بتایا کہ ملزم نادر سے پسٹل اور موٹر سائیکل ریکور ہوئی، ملزم کی سی ڈی آر ملزم کو واقع سے جوڑتی ہے، استدعا ہے کہ عدالت ملزم کی اپیل خارج کرنے کا حکم دے۔

یہ بھی پڑھیں: قوم کو یقین دلاتا ہوں اس مقدس سرزمین کا ایک انچ بھی دشمن کے حوالے نہیں ہونے دیں گے، فیلڈ مارشل

نتیجہ

بعدازاں لاہور ہائیکورٹ نے وکیل مدعی کی استدعا مسترد کرتے ہوئے منگیتر کے کہنے پر شہری کو قتل کرنے والے ملزم کی سزائے موت کالعدم قرار دے دی۔

مقدمے کی تفصیلات

یاد رہے کہ ملزم نادر کے خلاف تھانہ شیخم قصور میں مقدمہ درج ہے، ملزم نادر کو ٹرائل کورٹ نے سزائے موت کی سزا سنائی تھی۔