بھارت میں رسگلے نہ ملنے پر شادی کی تقریب میدان جنگ بن گئی

بھارت میں شادی کی تقریب میں ہنگامہ

نئی دہلی(ڈیلی پاکستان آن لائن) بھارتی ریاست بہار میں شادی کی تقریب میدان جنگ میں تبدیل ہوگئی۔ بھارتی میڈیا کے مطابق بہار کے ضلع بودھ گیا میں ایک شادی کی تقریب اس وقت میدانِ جنگ بن گئی جب دلہا اور دلہن کے اہلِ خانہ کے درمیان رس گلے کی کمی پر جھگڑا شروع ہو گیا۔ ہوٹل میں نصب سی سی ٹی وی کیمرے میں پورا واقعہ ریکارڈ ہوا اور ویڈیو سامنے آتے ہی سوشل میڈیا پر وائرل ہوگئی۔

یہ بھی پڑھیں: ٹرمپ بیک وقت امن اور دھمکیوں کی بات کرتے ہیں، کس پر یقین کریں؟ ایرانی صدر نے سوال اٹھا دیا

سوشل میڈیا پر وائرل ہونے والی ویڈیو

A chaotic scene unfolded in a wedding in #Bihar's #BodhGaya after the bride and the groom's families exchanged blows over a shortage of rasgulla.

The incident was caught on CCTV installed inside the hotel where the wedding was taking place, and the video surfaced online.… pic.twitter.com/As6vU9WXSZ

— Hate Detector (@HateDetectors) December 4, 2025

یہ بھی پڑھیں: حافظ نعیم پنجاب میں بیٹھ کر سندھ بلدیاتی نظام کو ٹارگٹ کر رہے ہیں: شرجیل میمن

جھگڑے کا آغاز

ویڈیو میں دونوں خاندانوں کو ایک دوسرے پر کرسیاں پھینکتے، گھونسے مارتے اور دھکے دیتے دیکھا جا سکتا ہے۔ یہ واقعہ 29 نومبر کو اس ہوٹل میں پیش آیا جہاں دلہن کا خاندان بھی مقیم تھا۔ اطلاعات کے مطابق ابتدائی رسومات ادا کرنے کے بعد دلہا اور دلہن منڈپ کی طرف جا رہے تھے کہ اسی دوران رس گلے ختم ہونے پر تنازع کھڑا ہو گیا۔

پولیس کی کارروائی

جھگڑے کے بعد دلہن کے اہلِ خانہ نے دلہا کے خاندان کے خلاف جہیز کا مقدمہ درج کروا دیا، تاحال کسی گرفتاری کی اطلاع نہیں ملی، جبکہ پولیس نے بھی ابھی تک واقعے پر کوئی ردعمل نہیں دیا۔