پاکستان دنیا کے لیے کرپٹو ریگولیشن کا مؤثر ماڈل بن سکتا ہے: بلال بن ثاقب

کرپٹو ریگولیشن میں پاکستان کا کردار

اسلام آباد (ڈیلی پاکستان آ لائن ) چیئرمین پاکستان ورچوئل ایسٹس ریگولیٹری اتھارٹی بلال بن ثاقب نے کہا ہے کہ پاکستان دنیا کے لیے کرپٹو ریگولیشن کا مؤثر ماڈل بن سکتا ہے۔

یہ بھی پڑھیں: لیہ، ڈی آئی خان، گھوٹکی اور ننکانہ صاحب میں حادثات، 12 افراد جاں بحق، 42 زخمی

بائننس بلاک چین ویک کی تقریب

دبئی میں بائننس بلاک چین ویک کی تقریب کا انعقاد کیا گیا جس میں یو اے ای کے آرٹیفیشل انٹیلی جنس کے وزیر عمر سلطان العلمہ سمیت ڈیجیٹل اثاثوں اور ابھرتی ٹیکنالوجیز کے عالمی ماہرین نے شرکت کی۔

یہ بھی پڑھیں: سعودی شہزادہ فہد بن مقرن کی والدہ انتقال کر گئیں

پاکستان کی نمائندگی

عالمی سطح پر منعقد کیے گئے اس بڑے ڈیجیٹل ایونٹ میں پاکستان کی نمائندگی بلال بن ثاقب نے کی۔ تقریب سے خطاب میں چیئرمین پاکستان ورچوئل ایسٹس ریگولیٹری اتھارٹی بلال بن ثاقب نے کہا کہ پاکستان دنیا کے لیے کرپٹو ریگولیشن کا مؤثر ماڈل بن سکتا ہے، پاکستان جیسے ابھرتے ہوئے ملکوں کے لیے ورچوئل ایسٹس کی ریگولیشن معاشی ترقی کی کنجی ہے۔

یہ بھی پڑھیں: آلودہ ترین شہروں میں لاہور سرفہرست، خطرناک سموگ خلا سے بھی نظر آنے لگی

سفارتی اور ٹیکنالوجی کا سنگ میل

تقریب میں موجود ماہرین کا کہنا تھا کہ بین الاقوامی کرپٹو ایونٹس میں پاکستان کی موجودگی سفارتی اور ٹیکنالوجی کا سنگ میل ہے، پاکستان کا عالمی کرپٹو گفتگو میں فعال کردار ملکی ٹیک سیکٹر کے لئے مثبت پیش رفت ہے۔

آئندہ ایونٹس میں شرکت

ذرائع کا بتانا ہے کہ بلال بن ثاقب 9 دسمبر کو ابوظبی میں عالمی ایونٹ میں بھی شریک ہوں گے۔