اگلے ماہ نئی بسوں کا فلیٹ لا رہے ہیں، کوشش ہے ہر بڑی روڈ پر پیپلز بس سروس چلے: شرجیل میمن

کراچی میں پبلک ٹرانسپورٹ کا نیا منصوبہ

کراچی (ڈیلی پاکستان آن لائن) سندھ کے سنیئر وزیر شرجیل انعام میمن نے کہا ہے کہ کراچی کی ہر بڑی سڑک پر پبلک ٹرانسپورٹ چلے گی، ووٹر چاہے جس کا بھی ہو، ہر علاقے میں بس چلائیں گے۔ اگلے ماہ نئی بسوں کا فلیٹ لا رہے ہیں۔

یہ بھی پڑھیں: لیسکو کی جانب سے ریکوری کے عمل میں تیزی، 283 نادہندگان سے کتنے واجبات وصول کر لیے گئے۔ جان کر آپ حیران رہ جائیں

نئی بسوں کی وصولی

سندھ کے سینئر وزیر شرجیل میمن نے سندھ اسمبلی میں اظہارِ خیال کرتے ہوئے کہا کہ 50 ای وی بسیں اور ڈبل ڈیکر بسیں کراچی پورٹ پر پہنچ چکی ہیں۔ مزید 500 ای وی بسیں لانے کے لئے وزیر اعلیٰ سندھ سے منظوری لے لی ہے۔ کراچی میں اگلے ماہ نئی بسوں کا فلیٹ لا رہے ہیں، کوشش ہے کہ کراچی اور حیدر آباد کی ہر بڑی روڈ پر پیپلز بس سروس چلے۔

ٹریفک کے نظام کی بہتری

’’جنگ‘‘ کے مطابق شرجیل میمن کا مزید کہنا تھا کہ ٹریفک کا نظام ٹھیک کرنا ہوگا، حادثات کو روکنے کے لیے کیس ٹو کیس جائزہ لینا ہوگا۔ اپوزیشن کو دعوت دیتے ہیں کہ ہمیں مشورے دیں۔ انٹرا سٹی بسیں چلانے کے لیے ٹرانسپورٹرز کو قرضے دینے کو تیار ہیں۔