کراچی میں خواتین کے سوشل میڈیا اکاؤنٹس ہیک کرکے ہراساں کرنے والا ملزم گرفتار

کراچی میں ہیکنگ کی واردات

ایس آئی یو پولیس نے گلشن معمار میں کارروائی کرتے ہوئے خواتین کے سوشل میڈیا اکاؤنٹس ہیک کرکے ہراساں اور بھتہ طلب کرنے والے ملزم اسامہ کو گرفتار کرلیا۔

یہ بھی پڑھیں: وائٹ ہاؤس نے ٹرمپ کی فیلڈ مارشل سید عاصم منیر کیساتھ ٹیلیفونک بات چیت کی تصدیق کردی

ملزم کی گرفتاری کی تفصیلات

ایس ایس پی ایس آئی یو ڈاکٹر محمد عمران خان کے مطابق، گرفتار ملزم خواتین کے سوشل میڈیا اکاؤنٹس ہیک کرکے ہراساں اور بھتہ طلب کرتا تھا۔ ملزم گلشن معمار تھانے میں بھتے کے مقدمے میں مطلوب تھا۔

یہ بھی پڑھیں: ٹی وی چینلز اور ٹاک شوز کو احکامات دیئے گئے ہیں کہ پی ٹی آئی کی اندرونی لڑائی کو اٹھایا جائے: عمران ریاض

بھتہ کی رقم کا مطالبہ

گرفتار ملزم نے خاتون سے 10 لاکھ بھتے کی رقم کا مطالبہ کیا تھا۔ اس کے قبضے سے بھتے میں استعمال ہونے والا موبائل فون بھی برآمد کرلیا گیا ہے۔

تفتیش کا عمل

گرفتار ملزم کا سابقہ مجرمانہ ریکارڈ چیک کیا جارہا ہے۔ ملزم کے خلاف ایس آئی یو میں مقدمہ درج کرلیا گیا ہے اور تفتیش کا عمل جاری ہے۔