حالیہ سیلابوں سے ملکی معیشت کو جی ڈی پی کے 9اشاریہ 5فیصد سے زائد نقصان ہوا، وفاقی وزیر مصدق ملک

سیلابوں کے اثرات

اسلام آباد (ڈیلی پاکستان آن لائن) وفاقی وزیر برائے ماحولیاتی تبدیلی مصدق ملک نے کہا کہ حالیہ سیلابوں سے ملکی معیشت کو جی ڈی پی کے نو اشاریہ پانچ فیصد سے زائد نقصان ہوا ہے۔ بڑھے ہوئے درجہ حرارت اور گلیشیئرز کے پگھلاؤ کو آلودگی کا نتیجہ بھی قرار دیا گیا ہے۔

یہ بھی پڑھیں: پیداواری شعبے سے اچھی خبر، خیبر پختونخوا میں بڑی مقدار میں تیل و گیس کی دریافت

ڈولفن کنزرویشن کانفرنس

ڈبلیو ڈبلیو ایف کے زیرِ اہتمام ڈولفن کنزرویشن کانفرنس سے خطاب میں مصدق ملک نے دریائے سندھ کی ڈولفن کے تحفظ پر زور دیا۔ انہوں نے کہا کہ وہ ڈبلیو ڈبلیو ایف کے ساتھ کھڑے ہیں اور ہرممکن تعاون کریں گے۔

یہ بھی پڑھیں: مرد آہن فیلڈ مارشل سید عاصم منیر

ماحولیاتی تبدیلی کے اثرات

ماحولیاتی تبدیلی کے حوالے سے مصدق ملک نے بتایا کہ گزشتہ چار بڑے سیلابوں میں چار ہزار سات سو سے زائد اموات ہوئیں اور سترہ ہزار افراد معذور ہو چکے ہیں۔

دریائے راوی کی آلودگی

ڈاکٹر مصدق ملک نے دریائے راوی کے شدید آلودہ ہونے پر اظہار تشویش بھی کیا۔