قیدی سے ملاقات حال احوال کے لیے ہوتی ہے اگر اس سے انتشار اور تلخی بڑھے تو ریاست اور حکومت سخت فیصلے کرے گی،امیر حیدر ہوتی۔

تعلقہ خاندان سے ملاقات کا حق

پشاور (ڈیلی پاکستان آن لائن) سابق وزیراعلیٰ خیبرپختونخوا امیر حیدر ہوتی کا کہنا ہے کہ سیاسی اختلاف اپنی جگہ، مگر عمران خان ہو یا عام قیدی، خاندان سے ملاقات کا حق قانون کے مطابق ملنا چاہیے۔ ملاقات حال احوال کے لیے ہوتی ہے، اگر اس سے انتشار اور تلخی بڑھے تو ریاست اور حکومت سخت فیصلے کرے گی۔ لگ رہا ہے کہ اس حوالے سے مزید سختیاں آنے والی ہیں۔

یہ بھی پڑھیں: پاکستان اسٹاک ایکسچینج میں تیزی، انڈیکس میں 2700 پوائنٹس کا اضافہ

جلسے میں اظہار خیال

جلسے سے خطاب کرتے ہوئے انہوں نے کہا کہ عمران خان کو پشتونوں نے قید نہیں کیا کہ آپ پختونخوا میں اپنی ہی حکومت کے خلاف احتجاج کر کے عوام کو تکلیف دیں۔ صوابی موٹروے بند کرنے سے کس کا نقصان ہوا؟ راستے بند کرنے ہیں تو صدر، وزیراعظم کے گھر یا پورے اڈیالہ کے راستے بند کریں۔ حکومت میں ہو تو فریاد نہیں، عوام کی خدمت کرنی پڑتی ہے۔

عزم و ہمت کی داستان

امیر حیدر ہوتی نے مزید کہا ہم میں ہمت تھی، دہشتگردوں کا مقابلہ کیا۔ اے این پی کی حکومت سے پہلے آپریشنز چل رہے تھے، ہم نے مذاکرات کیے، وعدہ خلافی ہوئی تو ہم کھڑے ہوئے۔ ان میں ہمت بھی نہیں کہ دہشتگرد کو دہشتگرد کہہ سکیں۔ جو وزیراعلیٰ ہٹائے گئے، کیا خود کو بچانے کے لیے انہوں نے بھتہ نہیں دیا؟

سیاسی اختلاف اپنی جگہ، مگر عمران خان ہو یا عام قیدی، خاندان سے ملاقات کا حق قانون کے مطابق ملنا چاہیے۔ لیکن ملاقات حال احوال کے لیے ہوتی ہے، اگر اس سے انتشار اور تلخی بڑھے تو ریاست اور حکومت سخت فیصلے کرے گی۔ لگ رہا ہے کہ اس حوالے سے مزید سختیاں آنے والی ہیں۔ pic.twitter.com/NSG6aJWRvb

— Ameer Haider Khan Hoti (@HaiderHotiANP) December 6, 2025