سلمان علی آغا کا سکواڈ میں تبدیلی اور بابراعظم کے بارے میں بڑا دعویٰ
کپتان کا بیان
لاہور (ڈیلی پاکستان آن لائن) کپتان قومی ٹی ٹوئنٹی ٹیم سلمان علی آغا نے کہا ہے کہ ورلڈکپ سے پہلے سکواڈ میں کوئی بڑی تبدیلی نہیں دیکھ رہا۔
یہ بھی پڑھیں: رمضان میں قومی محفل شبینہ کیلئے حفاظ کرام کی نامزدگیاں طلب
میچز اور آرام کا فیصلہ
سلمان علی آغا نے پی سی بی پوڈکاسٹ میں گفتگو کرتے ہوئے کہا کہ سال میں سب سے زیادہ 58-57 میچز کھیلے ہیں، اس لیے فی الوقت آرام کر رہا ہوں۔ جنوری سے اپریل تک بہت زیادہ کرکٹ ہے، اس لئے اپنے آپ کو ترو تازہ رکھنا چاہتا ہوں۔
یہ بھی پڑھیں: پاکستان کشمیریوں کی اخلاقی، سفارتی و سیاسی حمایت جاری رکھے گا: صدر و وزیراعظم
لیگ کرکٹ کا فیصلہ
سلمان علی آغا کا کہنا ہے کہ لیگ کرکٹ نہ کھیلنے کا فیصلہ خود کیا ہے۔ انہوں نے کہا کہ میں ڈومیسٹک ون ڈے کپ کھیلوں گا۔ ان کا کہنا تھا کہ انٹرنیشنل کرکٹ میں پریشر زیادہ ہوتا ہے۔ ہمیں صحیح راستے پر گامزن ہونے کی امید ہے کہ جلد نمبر ون ٹیم بن جائیں گے۔
یہ بھی پڑھیں: ریٹائرمنٹ کے اعلان کے بعد محمد عامر کا بیان
ورلڈکپ کی تیاری
انہوں نے کہا کہ پچھلے چھ ماہ سے ورلڈکپ کو مدنظر رکھ کر تیاری کر رہے ہیں۔ ہمیں وہ کمبینیشن مل گیا ہے جس کی ہمیں تلاش تھی۔ ان کا کہنا تھا کہ ورلڈکپ سے پہلے سکواڈ میں کوئی بڑی تبدیلی نہیں دیکھ رہا۔
یہ بھی پڑھیں: دو کروڑ کے کتے نے ٹرمپ کی حفاظت سنبھالی
کھلاڑیوں کی پرفارمنس
سلمان علی آغا نے کہا کہ ہم نے پچھلے چھ ماہ ان کھلاڑیوں کو آزمایا ہے اور ان کے رولز واضح کیے ہیں۔ ورلڈکپ سے پہلے چھ میچز میں ان ہی کھلاڑیوں کو موقع دینا چاہیے تاکہ کھلاڑی کو اعتماد ملے اور اچھی پرفارمنس آئے۔
یہ بھی پڑھیں: ہر گزرتے دن کے ساتھ ہمارا ایمان اور یقین مضبوط ہوتا ہے کہ قائد اعظم محمد علی جناح کا دو قومی نظریہ درست تھا، عطاتارڑ
بابر اعظم کے بارے میں
انہوں نے بابراعظم کے بارے میں بات کرتے ہوئے کہا کہ وہ میرے بہت اچھے دوست ہیں اور بابر اعظم کو کبھی سمجھانے کی ضرورت نہیں پڑی۔ بابر کو پتا ہوتا ہے کہ وہ کہاں غلط ہیں۔
یہ بھی پڑھیں: عید قریب آتے ہی مرغی کی قیمتوں کو بھی پر لگ گئے، فی کلو قیمت میں 45 روپے کا اضافہ
بابر اعظم کی کارکردگی
سلمان علی آغا نے کہا کہ بابر اعظم نے پچھلے سات آٹھ سالوں میں پاکستان کیلئے بہترین پرفارمنس دی ہے۔ آخری دو تین سالوں میں ان سے وہ پرفارمنس نہیں ہوئی جو فینز چاہتے تھے۔ بابر اعظم سب کی بات سنتے ہیں چاہے وہ جونیئر کھلاڑی بھی کیوں نہ ہو۔
یہ بھی پڑھیں: شراب و اسلحہ برآمدگی کیس میں علی امین گنڈا پور کے وارنٹ گرفتاری جاری
دوستی اور گفتگو
انہوں نے کہا کہ ہم ایک دوسرے سے بطور دوست بات کرتے ہیں، کبھی کپتانی بیچ میں نہیں لاتے۔ جب میری پرفارمنس نہیں رہی تو بابر اعظم نے مجھے سمجھایا۔
رویہ اور فارم
کپتان ٹی ٹوئنٹی ٹیم سلمان علی آغا نے کہا کہ ایشیا کپ کے بعد جنوبی افریقہ ٹیسٹ سیریز سے قبل بابر اعظم نے مجھے کہا کہ فارم آتی جاتی رہتی ہے۔
