پنجاب اور خیبر پختونخوا کے لیے گیس لوڈشیڈنگ کا نیا شیڈول جاری

نئے گیس لوڈشیڈنگ شیڈول کا اعلان

اسلام آباد(ڈیلی پاکستان آن لائن) سوئی ناردرن گیس نے پنجاب اور خیبر پختونخوا کے لئے گیس لوڈشیڈنگ کا نیا شیڈول جاری کر دیا ہے۔

یہ بھی پڑھیں: آئی ایم ایف نے معیشت کو آئی سی یو سے نکال آپریشن تھیٹر میں ڈال دیا : ماہر معاشی امور

شیڈول کی تفصیلات

نجی ٹی وی چینل ہم نیوز کے مطابق، پنجاب اور خیبرپختونخوا کے لئے دسمبر تا فروری تک گیس لوڈ شیڈنگ کا شیڈول جاری کیا گیا ہے۔ اس شیڈول کے مطابق صارفین کو تین اوقات میں وقفے وقفے سے گیس فراہم کی جائے گی۔

یہ بھی پڑھیں: پبلک ٹوائلٹ میں چھوڑی گئی نومولود کو سینیٹری ورکرز نے بچالیا

دن کے مخصوص اوقات

ان اوقات کے دوران عوام ناشتہ اور کھانا بنا سکیں گے۔ نئے شیڈول کے مطابق دونوں صوبوں میں صبح ساڑھے 5 بجے سے ساڑھے 8 بجے گیس ملے گی، اس دوران صارفین ناشتہ بنا سکیں گے۔ دوپہر ساڑھے 11 سے ڈیڑھ بجے تک گیس میسر ہو گی۔

یہ بھی پڑھیں: اپنی فضاء، پانی اور زمین کو آئندہ نسلوں کیلئے محفوظ بنانے میں ہاتھ بٹائیں، وزیراعلیٰ مریم نواز کی اپیل

شام کا وقت

ایس این جی پی حکام کا کہنا ہے کہ شام ساڑھے 5 بجے سے ساڑھے 8 بجے تک گیس صارفین کو میسر ہوگی، اس دوران صارفین رات کا کھانا بنا سکیں گے۔

یہ بھی پڑھیں: 2025 سفارتکاری کا سال، وزیراعظم کے 28 اور وزیر خارجہ کے 43 غیر ملکی دورے

صنعتی سیکٹر کے لئے سپلائی

حکام کے مطابق صنعتی سیکٹر کے لیے لوڈشیڈنگ نہیں کی جا رہی، لیکن سردیوں میں گیس کی طلب میں کئی گنا اضافہ ہو چکا ہے۔

گیس کی دستیابی

سوئی ناردرن گیس کمپنی نے کہا ہے کہ سسٹم میں گیس موجود ہے اور کوئی قلت نہیں ہے۔ گیس مہنگی ہے، اس وجہ سے صارفین سے درخواست کی گئی ہے کہ وہ ضرورت کے مطابق گیس کا استعمال کریں۔