ہم لوگ عظمتوں کے امین تھے۔۔۔

عظمتوں کی بات

عظمتوں کے امین تھے ہم لوگ

رفعتوں پر مکین تھے ہم لوگ

ہم نے ساحل پر کشتیاں پھونکیں

اس قدر پر یقین تھے ہم لوگ

یہ بھی پڑھیں: بابا صدیقی کو گولی مارنے والا شوٹر گرفتار، گینگ سے رابطہ کس طرح ہوا؟ دوران تفتیش انکشافات

آسمان کی بلندی

آسماں پر نظر ہماری تھی

گرچہ اہلِ زمین تھے ہم لوگ

کائناتیں ہماری ہاتھ میں تھیں

کیسے حجرہ نشین تھے ہم لوگ

یہ بھی پڑھیں: بدین میں کار حادثہ، صوبائی وزیر اسماعیل راہو کی بہن حسنہ راہو سمیت 2 افراد جاں بحق

محبت اور خدمت

ہم سے ہٹتی نہ تھی نظر سب کی

ایسا نقشِ حسین تھے ہم لوگ

ہم نے ہر سو محبتیں بانٹیں

سب دلوں میں مکین تھے ہم لوگ

ہم نے انسانیت کی خدمت کی

ہر کسی کے معین تھے ہم لوگ

یہ بھی پڑھیں: فاٹا کو این ایف سی میں جائز حصہ نہ دینا آئین اور قانون کی واضح خلاف ورزی ہے: تیمور سلیم جھگڑا

روشنی کی کرن

ہم سے تاریکیاں بھی خائف تھیں

ایسے روشن جبین تھے ہم لوگ

ہم نے دنیا کو علم سکھلایا

کیا ذہین و فطین تھے ہم لوگ

یہ بھی پڑھیں: وزیراعظم شہباز شریف کی زیر صدارت وفاقی کابینہ کا اجلاس آج ہوگا

محبتوں کا جہان

اِک جہان تھا ہمارا گرویدہ

سنبل و یاسمین تھے ہم لوگ

سب ہماری مثال دیتے تھے

اس قدر بہترین تھے ہم لوگ

یہ بھی پڑھیں: خواجہ آصف نے بھارتی ایئر چیف کا بیان مسترد کردیا

تاریخی لمحے

اب تو انگارے ہیں زبانوں پر

شہد تھے انگبین تھے ہم لوگ

ایک ہیبت تھی کفر کے دل پر

اس قدر آتشین تھے ہم لوگ

نظروں کا اثر

جانے کس کی نظر لگی سرور

رشک صد آفرین تھے ہم لوگ

کلام: ڈاکٹر سرور حسین نقشبندی