جیل جانا کوئی بڑی بات نہیں، پی ٹی آئی کی بولتی بند ہوگئی ہے: گورنر فیصل کریم کنڈی

گورنر خیبر پختونخوا کا بیان

پشاور (ڈیلی پاکستان آن لائن) گورنر خیبر پختونخوا فیصل کریم کنڈی نے کہا ہے کہ صوبے کے حالات جب خراب ہوجائیں تو پھر گورنر راج لگ سکتا ہے۔ اگر صوبائی حکومت ریاست کو سپورٹ کرتی ہے، تو سب کچھ ٹھیک ہے، لیکن اگر وہ سپورٹ نہیں کرتی تو مجبوراً گورنر راج لگنا پڑے گا۔ انہوں نے کہا کہ پی ٹی آئی کو احتجاج سے کچھ نہیں ملے گا اور جیل جانا کوئی بڑی بات نہیں۔ پی ٹی آئی کی بولتی بند ہوگئی ہے۔

یہ بھی پڑھیں: بینک سے سالانہ نقد رقم نکلوانے کی حد 10کروڑ روپے مقرر، ٹیکس چوری روکنے کیلئے ڈیٹا کے تبادلے کا فیصلہ

میڈیا سے گفتگو

’’جنگ‘‘ کے مطابق، پشاور میں میڈیا سے گفتگو کے دوران گورنر فیصل کریم کنڈی نے کہا کہ کسی کو صوبہ یا اسلام آباد بند نہیں کرنے دیں گے۔ صوبائی حکومت کو وفاق کے ساتھ تعاون کرنا چاہیے۔ پیپلز پارٹی نے کہا ہے کہ سب سے پہلے ریاست اور پھر سیاست ہے۔ افواج پاکستان نے ملک کے لیے قربانیاں دی ہیں۔ انہوں نے مزید کہا کہ گزشتہ روز پی ٹی آئی جلسے کا مقصد کیا تھا، یہ علم نہیں ہے۔ اس بار پی ٹی آئی اسلام آباد میں احتجاج نہیں کرسکے گی، کیونکہ فیصلہ عدالتوں نے کرنا ہے۔ سڑکوں پر کوئی فیصلے نہیں ہوتے۔

بلاوجہ کی دھمکیاں

انہوں نے مزید کہا کہ بلوچستان حکومت نے ہمیشہ وفاقی حکومت کو سپورٹ کیا ہے۔ جیل میں جانا کوئی بڑی بات نہیں، کیونکہ پاکستان کی ہر بڑی سیاسی شخصیت جیل گئی ہیں۔ فیصل کریم کنڈی نے کہا کہ پی ٹی آئی کو ریہرسل کرنی چاہیے، پھر پتہ چلے گا کہ کیسے یہ لوگ گورنر ہاؤس آتے ہیں۔ پہلے بھی گورنر ہاؤس کا تیل بند کرنے کی دھمکی دی گئی تھی، اور اب پی ٹی آئی کی خود بولتی بند ہوگئی ہے۔