پاکستانیوں کے لیے خوشخبری، دسمبر کے تیسرے یا چوتھے ہفتے میں بارشوں کا امکان

لاہور میں سردی اور سموگ کی پھیلتی ہوئی پریشانیاں

لاہور (زبیر اعوان) شہری شدید خشک سردی اور سموگ کی وجہ سے پریشان اور بیماریوں کا شکار ہیں۔ لیکن ایسے میں خوشخبری آئی ہے کہ سردیوں کی بارشوں اور برفباری کی واپسی میں اب زیادہ دیر نہیں۔ دسمبر کے تیسرے یا چوتھے ہفتے میں دوبارہ بارشوں کی واپسی کے امکانات موجود ہیں۔

یہ بھی پڑھیں: قصاب بہنوئی نے سالے کو چھریاں مار کر قتل کر دیا

موسمیاتی ماڈلز کی پیشگوئی

گزشتہ چند دنوں سے زیادہ تر قابلِ اعتماد موسمیاتی ماڈلز یہ دکھا رہے ہیں کہ ایک کے بعد ایک مغربی ہوا کا سلسلہ پاکستان تک پہنچنے کا امکان ہے، جو دسمبر کے وسط کے بعد ملک میں نہایت ضروری بارشیں اور برفباری لے کر آئے گا۔

یہ بھی پڑھیں: خواتین کے گروپ “کبابش پنک کلب” کی بنیاد رکھنے کا اعلان

ماہر موسمیات کا تبصرہ

موسمیاتی تجزیہ کار جواد میمن نے بتایا کہ موجودہ وقت میں زیادہ تر ماڈلز اس بات پر متفق ہیں کہ 18 تا 20 دسمبر 2025 کے دوران ایک اچھا اور ملک گیر مغربی سلسلہ پاکستان میں داخل ہو سکتا ہے۔ تاہم، یہ ایک طویل المدت پیشگوئی ہے اور ہر گزرتے دن کے ساتھ ان میں تبدیلی آ سکتی ہے۔

یہ بھی پڑھیں: پاکستان بزنس کونسل شارجہ کی جانب سے امارات کا 54واں یوم الاتحاد شارجہ میں منایا گیا

بارشوں کی توقعات

یہ بات بھی قابلِ ذکر ہے کہ اس موسمِ سرما کے آغاز سے ہی ہم نے اپنی بیشتر اپڈیٹس میں بتایا تھا کہ اس سال لا نینیا پیٹرن کی وجہ سے موسمِ سرما کی بارشیں معمول سے کم رہیں گی۔ تاہم دسمبر کے وسط تک یہ پیٹرن کمزور ہونا شروع ہوگا اور دسمبر کے تیسرے یا چوتھے ہفتے میں دوبارہ بارشوں کی واپسی کے امکانات موجود ہیں۔

یہ بھی پڑھیں: وار بک کے تناظر میں اہم فیصلے، پنجاب میں اہم تنصیبات کو محفوظ بنانے کیلئے سیکیورٹی ادارے متحرک

حتمی پیشگوئی

انہوں نے مزید کہا کہ یہ حتمی پیشگوئی نہیں، بلکہ یہ ایک ممکنہ صورتحال ہے جس کی پاکستان میں آئندہ دنوں میں توقع کی جا سکتی ہے۔ ہم ان تمام موسمیاتی تبدیلیوں پر مسلسل نظر رکھے ہوئے ہیں اور آپ کو بروقت آگاہ کرتے رہیں گے۔ ملک کے لیے، خصوصاً خشک سالی کے شکار علاقوں کے لیے، رحمتوں بھری بارشوں کی دعا کریں۔

نومبر کی بارشوں کی صورتحال

نومبر 2025 میں بارشیں پہلے ہی معمول سے 72% کم ریکارڈ کی گئی ہیں۔