پنجاب پولیس کے متعدد اہلکاروں کا منشیات فروشی میں ملوث ہونے کا انکشاف، 12 اہلکار گرفتار

پنجاب پولیس میں منشیات فروشی کا انکشاف

لاہور(ڈیلی پاکستان آن لائن) پنجاب پولیس کے متعدد اہلکاروں کا منشیات فروشی میں ملوث ہونے کا انکشاف ہوا ہے۔

یہ بھی پڑھیں: بلوچستان اسمبلی کے اقلیتی رکن ایس ایم پیٹرک انتقال کرگئے

حراست میں لیے گئے اہلکار

سی سی ڈی نے لاہور پولیس کے 12 اہلکاروں کو حراست میں لے لیا ہے۔ کرائم کنٹرول ڈیپارٹمنٹ نے منشیات فروشی میں ملوث پولیس اہلکاروں کے گرد بھی گھیرا تنگ کر دیا ہے۔

یہ بھی پڑھیں: کراچی: کورنگی میں لگی آگ کی شدت تاحال برقرار، گیس کی جانچ کیلئے کمیٹی تشکیل

شواہد اور برآمدگی

سی سی ڈی ذرائع کے مطابق پنجاب پولیس کے متعدد اہلکاروں کے منشیات فروشی میں ملوث ہونے کے شواہد ملے ہیں۔ سی سی ڈی اقبال ٹاؤن، چوہنگ، ماڈل ٹاؤن اور کینٹ سرکل نے اہلکاروں کو حراست میں لیا۔

حراست میں لئے جانے والے پولیس اہلکاروں سے بھاری مقدار میں آئس بھی برآمد ہوئی ہے۔ حراست میں لیے جانے والوں میں انوسٹی گیشن ونگ کی لیگل برانچ کے ہیڈ کانسٹیبل سمیت چار اہلکار بھی شامل ہیں۔

تحقیقات کی صورتحال

تحقیقات جاری ہیں اور تاحال مقدمات درج نہیں ہو سکے۔