برطانیہ میں 15 سالہ لڑکی کو اغوا اور جنسی زیادتی کا نشانہ بنانے والے افغان نوجوانوں کو سزا

برطانیہ میں دو نوعمر افغان پناہ گزینوں کی سزا

لندن (ڈیلی پاکستان آن لائن) برطانیہ میں افغانستان سے پناہ کے متلاشی دو نوعمر افراد کو 15 سالہ لڑکی کے اغوا اور ریپ کے الزام میں سزا سنا دی گئی۔

سراغرسانی اور ہولناک واقعہ

غیر ملکی میڈیا کی رپورٹس کے مطابق، 17 سالہ جان جہانزیب اور اسرار نیازال نے متاثرہ لڑکی کو لیمنگٹن ٹاؤن سینٹر کے قریب ایک ویران علاقے میں لے جا کر اس پر حملہ کیا۔ یہ واقعہ رواں برس مئی میں پیش آیا۔ جان جہانزیب نامی افغان ملزم کو 10 سال 8 ماہ جبکہ اسرار نیازال کو 9 سال 10 ماہ قید کی سزا سنائی گئی ہے۔

استغاثہ کا بیان

استغاثہ نے عدالت میں بتایا کہ 17 سالہ جان جہانزیب اور اسرار نیازال نے لیمنگٹن کے ایک پارک سے 15 سالہ لڑکی کو اس وقت زبردستی اپنے ساتھ لے گئے جب وہ نشے کی حالت میں تھی۔

عدالت میں شواہد

سماعت کے دوران عدالت میں ملزمان کی جانب سے متاثرہ لڑکی کو زبردستی پارک سے لے جانے کی ویڈیو بھی چلائی گئی۔

سی سی ٹی وی فوٹیج میں دیکھا گیا کہ لڑکی کی مرضی کے خلاف لے جانے کے بعد افغان باشندے خوفزدہ لڑکی کو جھاڑیوں میں لے گئے اور ریپ کیے جانے سے پہلے اسے گھٹنوں کے بل بٹھایا گیا۔

سزا اور ملک بدر کرنے کا فیصلہ

رپورٹس کے مطابق، عدالت میں شواہد پیش کرنے کے بعد جج نے دونوں ملزمان کو 9 اور 10 سال قید کی سزا سنائی۔ سزا مکمل ہونے کے بعد دونوں کو ملک بدر کیا جائے گا۔