شکار پور میں پولیس کا بڑا آپریشن، 8 ڈاکو ہلاک، ایک گرفتار

شکارپور میں پولیس کا بڑا آپریشن

سکھر(ڈیلی پاکستان آن لائن) شکارپور میں پولیس نے بڑا آپریشن کرتے ہوئے 8 ڈاکوؤں کو ہلاک کر دیا جبکہ ایک کو زخمی حالت میں گرفتار کر لیا گیا۔

یہ بھی پڑھیں: آبنائے ہرمز سے آئل ٹینکر جانا شروع ہوگئے، معاشی مشیر وائٹ ہاؤس کا دعویٰ

آپریشن کے دوران زخمی

آپریشن کے دوران 2 ڈی ایس پیز سمیت، دو اہلکار بھی زخمی ہوئے ہیں۔ زخمیوں میں خاتون ڈی ایس پی پارس بکھرانی اور ڈی ایس پی ظھور احمد سومرو شامل ہیں۔

یہ بھی پڑھیں: اسرائیل پر جلد خیبر میزائل داغیں گے، جس کے اثرات دیکھ کر دنیا حیران رہ جائے گی: ایران

ہلاک ہونے والے ڈاکوؤں کی شناخت

ہلاک 4 ڈاکوؤں کی شناخت امداد شیخ، شدن شیخ، شھمور شیخ اور برکت شیخ کے ناموں سے ہوئی ہے۔ ڈاکوؤں کی لاشیں جائے وقوع پر موجود ہیں اور مزید ڈاکوؤں کی شناخت جاری ہے۔

یہ بھی پڑھیں: شمالی وزیرستان میں کرفیو نافذ

زخمی ڈی ایس پی کی حالت

زخمی ڈی ایس پی پارس بکھرانی کو سکھر ڈسٹرکٹ کونسل کی جانب سے ایئر ایمبولینس کے ذریعے کراچی منتقل کیا جا رہا ہے۔

یہ بھی پڑھیں: پرندے فروش نوجوان کو صحافی اسد علی طور کو نایاب طوطا فروخت کرنا مہنگا پڑ گیا، ایف آئی اے نے اکاونٹ ہی منجمد کر دیا

چیئرمین سکھر کا بیان

ڈسٹرکٹ چیئرمین سکھر سید کمیل حیدر شاہ نے بتایا کہ زخمی ڈی ایس پی پارس بکھرانی کو ضیاء الدین اسپتال سے کراچی منتقل کیا جا رہا ہے۔ ہمیں شکارپور پولیس پر فخر ہے جس نے سندھ پولیس کا سر فخر سے بلند کیا۔

پارس بکھرانی کی بہادری کو سلام

ضلعی چیئرمین سید کمیل حیدر شاہ کا کہنا تھا کہ پارس بکھرانی سندھ کی بہادر بیٹی ہے، ہم ان کی ہمت کو سلام پیش کرتے ہیں۔