ملک مزید انتشار کا متحمل نہیں ہو سکتا، سیاست میں اختلاف ہوسکتا ہے دشمنی نہیں، چیئرمین پی ٹی آئی

راولپنڈی کی تازہ ترین خبریں

چیئرمین تحریک انصاف بیرسڑ گوہر نے اپنے بیان میں کہا کہ ملک مزید انتشار اور کشیدگی کا متحمل نہیں ہو سکتا، سیاست میں اختلاف ہو سکتا ہے مگر دشمنی نہیں۔

یہ بھی پڑھیں: 9 مئی جی ایچ کیو حملہ کیس، علی امین سمیت 25 ملزمان کے ناقابل ضمانت وارنٹ گرفتاری جاری

سیاسی ٹینشن کے خاتمے کی ضرورت

نجی ٹی وی سما نیوز کے مطابق، بیرسٹر گوہر نے داہگل ناکے پر میڈیا سے گفتگو میں کہا کہ کوشش کرنا چاہیئے کہ یہ ٹینشن ختم ہو اور ملک میں امن قائم ہو۔ بہت ساری چیزیں ایسی ہیں جو ہم کرنا چاہ رہے ہیں، مگر ان کے کرنے کی طاقت ہمارے پاس نہیں ہے۔ ہمیں ایک دوسرے کو خطرہ نہ سمجھنا چاہیئے۔ کچھ سیاسی لوگ آپس میں لڑ پڑیں، ایسا نہیں ہونا چاہیئے۔ لفظ "کشیدگی" سیاست سے ختم ہونا چاہیئے۔

یہ بھی پڑھیں: سابق بھارتی کور کمانڈر نے بھارت کی جنگی صلاحیتوں پر سوال اٹھا دیا

خاندانوں کے مابین ملاقاتیں

بیرسٹر گوہر نے مزید کہا کہ جب بانی اور بشریٰ بی بی سے ملاقاتیں ہوں گی تو حالات بہتر ہو جائیں گے۔ فیملی کی ملاقاتوں پر سیاست نہیں کرنی چاہیئے۔ فیملی کو ملاقات کی اجازت ملنی چاہیئے، اور وکلاء کو بھی ملنے دینا چاہیئے۔ جب بانی سے ملاقاتیں ہو رہی تھیں تو اس وقت ہم کسی اور طرف نکل چکے تھے۔ ملاقاتیں جاری رہتیں تو ابھی تک کچھ نہ کچھ ہو چکا ہوتا۔

سیاست میں تبدیلی کی کوششیں

بیرسٹر گوہر نے کہا کہ بانی کی تحریر کے مطابق، محمود اچکزئی اور علامہ راجا ناصر کے پاس بات کرنے کا اختیار ہے۔ ادارے اور پارلیمنٹ موجود ہیں، عوام رہنماؤں کی طرف دیکھ رہی ہے۔ ہم نے بڑی کوشش کی کہ سسٹم میں رہ کر تبدیلی لائیں۔