کوئٹہ میں بلدیاتی انتخابات ملتوی کرنے کی صوبائی حکومت کی درخواستیں مسترد، سابقہ الیکشن شیڈول برقرار

الیکشن کمیشن کا فیصلہ

اسلام آباد(ڈیلی پاکستان آن لائن) الیکشن کمیشن نے سابقہ الیکشن شیڈول برقرار رکھتے ہوئے کوئٹہ میں بلدیاتی انتخابات ملتوی کرنے کی صوبائی حکومت کی درخواستیں مسترد کردیں۔

یہ بھی پڑھیں: سیاسی کارکنان اور خواتین پر تشدد حکومتی فسطائیت ہے، ترجمان جےیوآئی

بلدیاتی انتخابات کی تاریخ

نجی ٹی وی سما نیوز کے مطابق الیکشن کمیشن نے بلوچستان میں بلدیاتی انتخابات سے متعلق درخواستوں پر فیصلہ سنادیا۔ جاری فیصلے میں کہا گیا ہے کہ انتخابات مؤخر کرنے کی وجوہات قانونی طور پر قابل قبول نہیں۔ پولنگ 28 دسمبر کو ہی ہوگی۔

یہ بھی پڑھیں: چیئرمین پی ٹی آئی بیرسٹر گوہر کی شیخ وقاص اکرم کی آڈیو لیک پر وضاحت آ گئی

آئینی ذمہ داری اور فیصلہ

فیصلے میں کہا گیا کہ حالات و واقعات کے باوجود آئینی ذمہ داری پوری کرنا ضروری ہے۔ کوئٹہ میں بلدیاتی حلقہ بندیوں کا عمل 2 مرتبہ مکمل کیا جاچکا ہے، اعتراضات کا فیصلہ بھی ہو چکا، ہائیکورٹ بھی درخواستیں خارج کر چکا۔

یہ بھی پڑھیں: کراچی میں بھتہ خوری کا منظم نیٹ ورک جیل میں بننے کا انکشاف

آئین کی وضاحت

الیکشن کمیشن نے مؤقف اختیار کیا کہ آئین کے تحت بلدیاتی انتخابات مؤخر کرنا ممکن نہیں۔ سپریم کورٹ کہہ چکی کہ انتخابی معاملات پر حکم دینا ہمارا دائرہ اختیار ہے، صوبائی حکومت کی رکاوٹیں آئین کی خلاف ورزی کے مترادف ہوں گی۔

یہ بھی پڑھیں: 1 مئی مقدمات؛انسداد دہشتگردی عدالت نے شاہ محمود قریشی سمیت 3پی ٹی آئی رہنماؤں کی درخواست ضمانت پر محفوظ فیصلہ سنا دیا

اکثریتی فیصلے سے اختلاف

الیکشن کمیشن نے دونوں درخواستیں مسترد کر دیں، الیکشن کمیشن نے بلدیاتی انتخابی شیڈول برقرار رکھا، اور فیصلہ صوبائی حکومت، گورنر اور تمام اداروں کو ارسال کر دیا۔

یہ بھی پڑھیں: ستاروں کی روشنی میں آپ کا آج (بدھ) کا دن کیسا رہے گا ؟

موسمی چیلنجز

ممبر بلوچستان شاہ محمد جتوئی کا اکثریتی فیصلے سے اختلاف یہ ہے کہ سردی کے باعث لوگ ہجرت کر جاتے ہیں، امن و امان کی صورتحال بھی بہتر نہیں۔

یہ بھی پڑھیں: وزیراعلیٰ مریم نواز کی سانتا کا ئچی کو جاپان کی پہلی خاتون وزیراعظم بننے پر مبارکباد

اختلافی نوٹ

5 رکنی بینچ کے رکن شاہ محمد جتوئی نے اکثریتی فیصلے سے اختلاف کیا، انہوں نے کوئٹہ بلدیاتی انتخابات سے متعلق اختلافی نوٹ جاری کیا۔ اختلافی نوٹ کے مطابق حد بندی، ووٹر لسٹ اور مدت پر اکثریتی فیصلے سے متفق ہوں، دسمبر کے سخت موسم میں ٹرن آؤٹ کم رہنے کا امکان ہے۔

انتخابات کی تاخیری سفارشات

وزیراعلیٰ بلوچستان اور گورنر بلوچستان نے انتخابات مؤخر کرنے کی سفارش کی تھی۔ خیال رہے کہ الیکشن شیڈول کے مطابق کوئٹہ میں بلدیاتی انتخابات 28 دسمبر کو شیڈول ہیں۔