حسن مرتضیٰ کے والد کی چنیوٹ میں تدفین، بلاول بھٹو زرداری، محسن نقوی سمیت متعدد شخصیات کا اظہار تعزیت

پیر والد کی تدفین

لاہور(ڈیلی پاکستان آن لائن) پیپلز پارٹی پنجاب کے جنرل سیکرٹری سید حسن مرتضیٰ کے والد غلام مرتضیٰ شاہ کی تدفین چنیوٹ میں کر دی گئی۔ وہ لاہور میں علالت کے باعث انتقال کر گئے تھے۔

یہ بھی پڑھیں: بیٹیوں ماؤں کے مقابلے میں باپ سے زیادہ گہرا رشتہ کیوں بناتی ہیں؟

انتقال کی تفصیلات

خاندانی ذرائع کے مطابق 87 سالہ غلام مرتضیٰ شاہ نے پسماندگان میں 4 بیٹیاں اور ایک بیٹا چھوڑا ہے۔ مرحوم کا جسدِ خاکی لاہور سے چنیوٹ منتقل کیا گیا جہاں نمازِ جنازہ امام بارگاہ جاگیر علی اکبر، چنیوٹ میں ادا کی گئی۔ نماز جنازہ میں ان کے قریبی عزیز و اقارب، سابق وزیر اعظم راجہ پرویز اشرف، نیئر حسن بخاری، راجہ ریاض احمد خان، نواب شیر وسیر، خالد یاسین سمیت پیپلز پارٹی کے رہنماؤں اور علاقہ معززین کی کثیر تعداد شریک ہوئی۔

تعزیت اور دعا

چیئرمین پیپلز پارٹی بلاول بھٹو زرداری، وفاقی وزیر داخلہ محسن نقوی، گورنر سلیم حیدر اور گورنر کے پی فیصل کریم کنڈی نے حسن مرتضیٰ سے اظہار تعزیت کیا ہے اور ان کے خاندان کے لیے صبر جمیل کی دعا کی ہے۔