بھارت میں جعلی تعلیمی اسناد کا بڑا اسکینڈل، گرفتاریاں، مختلف ممالک میں بھارتی طلباء کی جانچ پڑتال شروع

بھارت میں جعلی تعلیمی اسناد کا سکینڈل

نئی دہلی (مانیٹرنگ ڈیسک) بھارت میں جعلی تعلیمی اسناد کا ایک بڑا سکینڈل سامنے آیا ہے، جس کے نتیجے میں گرفتاریوں کا سلسلہ شروع ہو چکا ہے۔ مختلف ممالک میں بھارتی طلباء کی جانچ پڑتال بھی کی جا رہی ہے۔

یہ بھی پڑھیں: جنوبی وزیرستان: امن کمیٹی دفتر کے قریب دھماکے کے 3 زخمی دم توڑگئے، اموات 12 ہوگئیں

کیرالہ میں گرفتاریاں

تفصیلات کے مطابق کیرالہ میں جعلی ڈگریاں بنانے والے ایک بڑے نیٹ ورک کو پکڑ لیا گیا ہے۔ نئی دہلی سے عرب میڈیا کے مطابق، کیرالہ پولیس نے اس نیٹ ورک کے سرغنہ کو گرفتار کیا، جس کی نشاندہی پر بھارتی ریاستوں سے 11 افراد کو بھی حراست میں لے لیا گیا ہے۔

یہ بھی پڑھیں: تاریک قانونی و سیاسی مستقبل، امریکا سے آیا’’وفد‘‘ ملاقات کا خواہشمند لیکن عمران خان تیار ہیں یا نہیں ؟ سینئر صحافی نے خبردیدی

جعلی سرٹیفکیٹس کا کاروبار

’’جنگ‘‘ کے مطابق، اس گروہ نے بھارت میں 10 لاکھ سے زیادہ افراد کو جعلی سرٹیفکیٹس فراہم کیے ہیں۔ جعلی تعلیمی اسناد کی وجہ سے متعدد ممالک نے بھارتی طلباء کو تعلیمی ویزوں کا اجراء روک دیا تھا۔

بین الاقوامی جانچ پڑتال

عرب میڈیا کے مطابق، کینیڈا اور برطانیہ نے بھی بھارتی طلباء کی تعلیمی اسناد کی سخت جانچ پڑتال شروع کر دی ہے۔