پاکستان جرنلسٹس فورم UAE کے بانی /ممبر شیخ محمد پرویز انتقال کر گئے
شیخ محمد پرویز کا انتقال
دبئی (طاہر منیر طاہر) پاکستان جرنلسٹس فورم UAE کے بانی /ممبر شیخ محمد پرویز گزشتہ دن لاہور میں انتقال کر گئے- مرحوم کی عمر 77 برس اور وہ کچھ عرصہ سے علیل تھے- ان کا انتقال لاہور کے ایک ہسپتال میں ہوا-
یہ بھی پڑھیں: ایڈز کے مریض نفرت نہیں ہمدردی کے مستحق ہیں ،علاج تک رسائی میں عدم مساوات کو ختم کرنا ہوگا: وزیر اعلیٰ پنجاب
دبئی میں زندگی
شیخ محمد پرویز نے دبئی میں 50 سال سے زائد کا عرصہ گزارا ، دبئی کی ایک معروف کمپنی میں ریٹائرمنٹ تک کام کیا، بزنس کئے اور روزنامہ جسارت کراچی کے لئے بطور نامہ نگار کام کیا- بطور صحافی انہوں نے امارات میں مقیم پاکستانی کمیونٹی کی فلاح و بہبود کے لئے بہت کام کیا اور علم و ادب کی ترویج کے لیے گراں قدر خدمات سر انجام دیں - وہ پاکستان جرنلسٹس فورم UAE کے بانی /ممبر بھی تھے-
عزت و احترام
شیخ محمد پرویز کے انتقال کی خبر امارات میں مقیم پاکستانیوں میں بڑے دکھ کے ساتھ سنی گئی - یہاں مقیم ان کے دوستوں، صحافیوں اور عزیز و اقارب نے شیخ محمد پرویز کے انتقال پر دکھ کا اظہار کرتے ھوئے مرحوم کے لیے دعائے بخشش و مغفرت اور لواحقین کے لیے دعائے صبر جمیل کی ہے.
