یو اے ای: غیر قانونی مقیم افراد کو ملازمت یا رہائش دینے پر بھاری جرمانوں اور سزا کا اعلان

متحدہ عرب امارات میں غیر قانونی رہائش اور ملازمت کے خلاف سخت اقدامات

دبئی (ڈیلی پاکستان آن لائن) متحدہ عرب امارات نے عوامی تحفظ کو مد نظر رکھتے ہوئے ملک میں غیر قانونی طور پر مقیم افراد کو رہائش فراہم کرنے یا ملازمت دینے والے افراد کیلئے بھی سخت سزاؤں اور جرمانوں کا اعلان کردیا ہے۔

یہ بھی پڑھیں: پنجاب اسمبلی میں جنرل عاصم منیر کو فیلڈ مارشل بنانے کے فیصلے کی تائید میں قرارداد جمع

غیر قانونی مقیم افراد کی مدد کرنے پر سخت قانونی کارروائی

گلف نیوز کے مطابق، یو اے ای میں غیر قانونی طور پر مقیم باشندوں کو ملازمت، رہائش، حتیٰ کہ کسی بھی قسم کی مدد فراہم کرنے والے افراد کے خلاف سخت قانونی کارروائی عمل میں لانے کا اعلان کیا گیا ہے۔

یہ بھی پڑھیں: ایک ہی چھت تلے تمام سہولیات، بیرونِ ممالک مقیم پاکستانیوں کے مسائل کے فوری حل کیلیے جدید فیسلیٹیشن سینٹر قائم

عوامی سلامتی کو خطرہ

رپورٹ میں بتایا گیا ہے کہ متحدہ عرب امارات میں غیر قانونی طور پر مقیم تارکین وطن کو پناہ دینے یا ملازمت دینے سے اہم خطرات لاحق ہوسکتے ہیں۔ ایسے افراد عوامی سلامتی کو خطرہ لاحق کرنے سمیت غیر قانونی سرگرمیوں میں ملوث ہو سکتے ہیں، لہٰذا سماجی استحکام اور شہریوں کی حفاظت یقینی بنانے کے لیے سخت قوانین کا نفاذ ضروری ہے۔

یہ بھی پڑھیں: سموگ سے پریشان لاہوریوں کے لیے خوشخبری، محکمہ موسمیات نے کل سے بارش کی پیش گوئی کردی

سزاؤں کی نوعیت اور جرمانے

گلف نیوز کے مطابق، یو اے ای میں غیر ملکیوں کے داخلے اور رہائش سے متعلق 2021 کے قوانین کے تحت اس جرم کیلئے سخت سزائیں مقرر ہیں جن میں ایک لاکھ درہم سے 5 ملین درہم تک جرمانے اور کم از کم 2 ماہ کی قید بھی شامل ہے۔

ملازمت کی خلاف ورزی پر سزائیں

رپورٹ میں بتایا گیا ہے کہ وزٹ یا سیاحتی ویزا رکھنے والے افراد کا یو اے ای میں ملازمت کرنا ایک سنگین خلاف ورزی کے زمرے میں آتا ہے۔ ایسے مجرم کو 10 ہزار درہم جرمانے کی سزا کا سامنا کرنا پڑسکتا ہے، جب کہ جعلی رہائشی دستاویزات استعمال کرنے والے افراد کیلئے 10 سال قید کی سزا ہے۔