فیض حمید کو سزا ادارے کا اندرونی معاملہ ہے، جب سیاسی بات ہوگی تو اس پر بھرپور جواب دیں گے، وزیراعلیٰ سہیل آفریدی
وزیر اعلیٰ خیبرپختونخوا کا بیان
راولپنڈی(ڈیلی پاکستان آن لائن) وزیر اعلیٰ خیبرپختونخوا سہیل آفریدی کا کہنا ہے کہ فیض حمید ایک ادارے کے ملازم تھے، اگر کسی معاملے پر فیض حمید کو سزا ہوئی ہے تو یہ ان کا اندرونی معاملہ ہے۔ جب سیاسی بات ہوگی تو اس پر بھرپور جواب دیں گے۔
یہ بھی پڑھیں: پنجاب اسمبلی کے اسپیکر سیلاب سے نقصان کا تخمینہ لگانے کے لیے بااختیار کمیٹی بنانے کا فیصلہ
اڈیالہ جیل میں ملاقات
بانی پی ٹی آئی سے اڈیالہ جیل میں ملاقات کے لیے آئے وزیر اعلیٰ خیبرپختونخوا سہیل آفریدی کا کہنا تھا کہ بانی پی ٹی آئی پاکستان اور اداروں کی مضبوطی کی بات کرتے ہیں۔ صاحب اختیار لوگ اگر سمجھتے ہیں تو ہمارے ساتھ مذاکرات کریں، مذاکرات کا اختیار بانی نے محمود اچکزئی اور راجہ ناصر عباس کو دیا ہے، محمود خان اچکزئی کے ہر فیصلے کے ساتھ کھڑے ہوں گے۔
یہ بھی پڑھیں: ملتان ٹیسٹ: پاکستان کو 6 وکٹوں کا نقصان، رضوان بغیر رن کے پویلین واپس
حکومت کی کارکردگی
ایک وزیر اعلیٰ کو عدالتی احکامات کے باوجود ملنے نہیں دیا جا رہا۔ پرسوں بانی پی ٹی آئی کی بہنوں کے ساتھ جو ہوا وہ وزیراعلٰی پنجاب کے احکامات پر کیا گیا۔ بانی پی ٹی آئی اور ان کی اہلیہ کو ناحق قید رکھا گیا ہے۔ یہ لوگ تصدیق شدہ چور ہیں، جب ہماری حکومت آئے گی تو اس کا حساب کتاب کیا جائے گا۔
یہ بھی پڑھیں: صوبائی کابینہ کے اجلاس میں اہم فیصلے، طلباء کو جلد لیپ ٹاپ دینے کی ہدایت، کھیلتا پنجاب گیمز 2024 کی منظوری
سیاسی ماحول کا تجزیہ
وزیر اعلیٰ خیبرپختونخوا کا کہنا تھا کہ ساڑھے تین سال سے کوشش کی جارہی ہے کہ مائنس بانی پی ٹی آئی کیا جائے۔ یہ 1947 سے ایک ہی نسخہ بار بار آزماتے ہیں۔ 9 اپریل 2022 سے ان کا واسطہ ایسی قوم سے پڑا ہے جو بانی پی ٹی آئی سے عشق کرتی ہے۔ ہم آزاد عدلیہ اور جمہوریت کی بحالی چاہتے ہیں۔
یہ بھی پڑھیں: اس سال شادی کرنے والے ماڈل عبیر اسد اور سبن عمیس کا راستہ جدا کرنے کا فیصلہ
نوجوانوں کی ہجرت کا مسئلہ
ان کا کہنا تھا کہ حکومت کی کارکردگی یہ ہے کہ نوجوان پاکستان سے بھاگ رہے ہیں۔ ساڑھے تین سال سے کیا جانے والا تجربہ بری طرح ناکام ہو چکا ہے۔
سوشل میڈیا پر بیان
فیض حمید کی سزا ادارے کا اندرونی معاملہ ہے ہم اس پر بات نہیں کریں گے جب یہ سیاسی بات کریں گے تو ہم اس پر بھرپور جواب دیں گے۔
وزیر اعلیٰ سہیل آفریدی pic.twitter.com/w31KIeFkEz
— jameel Khan Kakar ???????? (@jameel37371) December 11, 2025
