فیض حمید کو سزا ادارے کا اندرونی معاملہ ہے، جب سیاسی بات ہوگی تو اس پر بھرپور جواب دیں گے، وزیراعلیٰ سہیل آفریدی
وزیر اعلیٰ خیبرپختونخوا کا بیان
راولپنڈی(ڈیلی پاکستان آن لائن) وزیر اعلیٰ خیبرپختونخوا سہیل آفریدی کا کہنا ہے کہ فیض حمید ایک ادارے کے ملازم تھے، اگر کسی معاملے پر فیض حمید کو سزا ہوئی ہے تو یہ ان کا اندرونی معاملہ ہے۔ جب سیاسی بات ہوگی تو اس پر بھرپور جواب دیں گے۔
یہ بھی پڑھیں: دہشتگرد رات کی تاریکی میں کچھ دیر سڑک پر ناکے لگا کر ویڈیو بنا کر بھاگ جاتے ہیں: بیرسٹر سیف
اڈیالہ جیل میں ملاقات
بانی پی ٹی آئی سے اڈیالہ جیل میں ملاقات کے لیے آئے وزیر اعلیٰ خیبرپختونخوا سہیل آفریدی کا کہنا تھا کہ بانی پی ٹی آئی پاکستان اور اداروں کی مضبوطی کی بات کرتے ہیں۔ صاحب اختیار لوگ اگر سمجھتے ہیں تو ہمارے ساتھ مذاکرات کریں، مذاکرات کا اختیار بانی نے محمود اچکزئی اور راجہ ناصر عباس کو دیا ہے، محمود خان اچکزئی کے ہر فیصلے کے ساتھ کھڑے ہوں گے۔
یہ بھی پڑھیں: ہر کسی کے پاس لندن جانے کا آپشن نہیں ہوتا، سیمی راحیل کا لاہور میں سموگ پر طنزیہ تبصرہ
حکومت کی کارکردگی
ایک وزیر اعلیٰ کو عدالتی احکامات کے باوجود ملنے نہیں دیا جا رہا۔ پرسوں بانی پی ٹی آئی کی بہنوں کے ساتھ جو ہوا وہ وزیراعلٰی پنجاب کے احکامات پر کیا گیا۔ بانی پی ٹی آئی اور ان کی اہلیہ کو ناحق قید رکھا گیا ہے۔ یہ لوگ تصدیق شدہ چور ہیں، جب ہماری حکومت آئے گی تو اس کا حساب کتاب کیا جائے گا۔
یہ بھی پڑھیں: ہم نے اعتراض کیا تو کہا گیا کہ بہت لاجواب پل بنائیں گے‘‘حامد میر نے ایف 8انٹرچینج روڈ بیٹھنے پرسوال اٹھا دیا
سیاسی ماحول کا تجزیہ
وزیر اعلیٰ خیبرپختونخوا کا کہنا تھا کہ ساڑھے تین سال سے کوشش کی جارہی ہے کہ مائنس بانی پی ٹی آئی کیا جائے۔ یہ 1947 سے ایک ہی نسخہ بار بار آزماتے ہیں۔ 9 اپریل 2022 سے ان کا واسطہ ایسی قوم سے پڑا ہے جو بانی پی ٹی آئی سے عشق کرتی ہے۔ ہم آزاد عدلیہ اور جمہوریت کی بحالی چاہتے ہیں۔
یہ بھی پڑھیں: حکومت پنجاب نے دفعہ 144 کے نفاذ کا اختیار ڈپٹی کمشنرز کو دیدیا
نوجوانوں کی ہجرت کا مسئلہ
ان کا کہنا تھا کہ حکومت کی کارکردگی یہ ہے کہ نوجوان پاکستان سے بھاگ رہے ہیں۔ ساڑھے تین سال سے کیا جانے والا تجربہ بری طرح ناکام ہو چکا ہے۔
سوشل میڈیا پر بیان
فیض حمید کی سزا ادارے کا اندرونی معاملہ ہے ہم اس پر بات نہیں کریں گے جب یہ سیاسی بات کریں گے تو ہم اس پر بھرپور جواب دیں گے۔
وزیر اعلیٰ سہیل آفریدی pic.twitter.com/w31KIeFkEz
— jameel Khan Kakar ???????? (@jameel37371) December 11, 2025
