فوجی عدالت کا آج کا فیصلہ تاریخی اور واضح پیغام ہے کہ فیض حمید غیرقانونی کام کر رہے تھے، بلاول بھٹو زرداری

بلاول بھٹو زرداری کا تاریخی عزم

چنیوٹ (ڈیلی پاکستان آن لائن) پاکستان پیپلزپارٹی کے چیئرمین بلاول بھٹو زرداری نے فیض حمید کے حوالے سے فوجی عدالت کے فیصلے کو تاریخی قرار دیتے ہوئے کہا ہے کہ آج کے فیصلے سے واضح پیغام ہے کہ فیض حمید غیرقانونی کام کر رہے تھے۔ فیض حمید کے پاس اپیل کے لیے بھی فورمز ہوں گے۔

یہ بھی پڑھیں: ٹک ٹاکر سامعہ حجاب کے اغوا اور دھمکیوں کے کیس میں ملزم حسن زاہد کو جیل منتقل کر دیا گیا

خیبرپختونخوا میں گورنر راج پر بات چیت

ایکسپریس نیوز کے مطابق انہوں نے کہا کہ خیبرپختونخوا میں گورنرراج سے متعلق باقاعدہ ڈسکشن نہیں ہوئی، گورنر راج ایک آئینی آپشن موجود ہے۔ پی ٹی آئی اپنے طرزعمل سے وفاق کو مجبور کر رہی ہے اور پی ٹی آئی کی سیاست خود ایسے حالات پیدا کرنا چاہ رہی ہے۔

یہ بھی پڑھیں: کراچی کنگز کو بڑا دھچکا، اہم غیر ملکی کھلاڑی انجری کے باعث پی ایس ایل سے باہر ہوگیا

پی ٹی آئی کی سیاست کا جمود

پی ٹی آئی دور میں مریم نواز اور فریال تالپور کو ٹارگٹ کیا گیا، آج عمران خان خود جیل میں ہے، یہ مکافات عمل ہے۔ بانی پی ٹی آئی بطور وزیراعظم طاقت کے نشے میں دھمکیاں دیتے تھے۔

یہ بھی پڑھیں: ایران نے غیر ملکی جہاز پکڑلیا، کیا لیجا رہا تھا اور عملے کا تعلق کس ملک سے ہے؟ جانیے

نئی روایات کا آغاز

چیئرمین پی پی پی نے کہا کہ بانی پی ٹی آئی نے سیاست میں غلط روایات ڈالیں، نفرت اور انتشار کی سیاست کو پروان چڑھایا۔ ہم نے آئینی عدالت بھی بنا دی ہے، ہمارے نظریے اور منشور کی جیت ہے، آئینی عدالت کا قیام پیپلزپارٹی کی بڑی کامیابی ہے۔

وفاق کی مالی مشکلات کا حل

سب کو کوشش کرنی چاہیے وفاق کی مشکلات دور کی جائیں، وفاق کی مالی مشکلات دور کرسکتے ہیں اور اس کے لیے پی پی پی تعاون جاری رکھے گی، صوبے کے اختیارات کم کیے بغیر وفاق کی مشکلات کم کرسکتے ہیں۔ عوام کے لیے معاشی مشکلات ضرور ہیں۔