عالمی بینک نے پاکستان کے لئے 40 کروڑ ڈالر فنانسنگ کی منظوری دے دی

ورلڈ بینک کی پاکستان کیلئے فنانسنگ کی منظوری

اسلام آباد(ڈیلی پاکستان آن لائن) ورلڈ بینک نے پاکستان کیلئے 40 کروڑ ڈالر فنانسنگ کی منظوری دے دی۔

یہ بھی پڑھیں: ہری پور: سوتیلی ماں نے 8 سالہ بچے کو مبینہ تشدد کر کے قتل کردیا

پنجاب میں پانی اور صفائی کی سہولیات

عالمی بینک کے اعلامیہ کے مطابق رقم صوبہ پنجاب میں شہروں میں صفائی اور پانی کی سہولیات کیلئے خرچ ہوگی۔ منصوبہ سے پنجاب کے 16 شہروں میں محفوظ پانی و صفائی کی سہولیات میسر آئیں گی، بارشوں کے نکاس، پانی، سیوریج اور ویسٹ واٹر ٹریٹمنٹ سسٹمز اپ گریڈ کئے جائیں گے۔

یہ بھی پڑھیں: ٹی ٹوئنٹی ورلڈکپ، اختتامی تقریب میں معروف گلوکار رکی مارٹن آواز کا جادو جگائیں گے

بہتر سہولیات کی فراہمی

اعلامیہ میں کہا گیا کہ پروگرام سے 45 لاکھ افراد کو پانی سے صفائی جیسی بہتر سہولیات ملیں گی۔ سولڈ ویسٹ مینجمنٹ سسٹمز میں بھی بہتری ہوگی، 20 لاکھ افراد مستفید ہوں گے۔

یہ بھی پڑھیں: بی ایل اے کو بھارت سے فنڈنگ، ہمیشہ شہری حدود کو نشانہ بناتی ہے: خواجہ آصف

صحت اور مقامی حکومت کی استعداد کار

عالمی بینک کے مطابق منصوبہ صحت اخراجات میں کمی اور پانی سے پیدا بیماریوں میں کمی لائے گا۔ مقامی حکومتوں کی استعداد کار اور ریونیو بڑھانے میں بھی مدد ملے گی، منصوبہ شہروں کو سیلاب و خشک سالی کے مقابلے کیلئے زیادہ مضبوط بنائے گا۔

یہ بھی پڑھیں: میئر کراچی 23 گھنٹے بعد آگ سے متاثر گل پلازہ اور ڈی سی آفس کا دورہ، شہریوں کا احتجاج، نعرے بازی

عورتوں کی بھرتی اور آگاہی مہمات

اعلامیہ میں بتایا گیا کہ منصوبے میں خواتین کیلئے نئی بھرتیاں اور فیصلہ سازی میں نمائندگی کو ترجیح دی جائے گی۔ خواتین کیلئے سکل ڈویلپمنٹ اور جینڈر کمپلینٹ ڈیسک قائم کئے جائیں گے۔ گھریلو سطح پر بہتر صفائی و حفظان صحت کیلئے آگاہی مہمات منصوبہ کا حصہ ہے۔

نجی شعبے کی سرمایہ کاری

عالمی بینک کے مطابق نجی شعبے کی سرمایہ کاری پانی و صفائی کے شعبے میں متحرک کرنے کا ہدف ہے۔ منصوبہ پنجاب ڈویلپمنٹ پروگرام اور ستھرا پنجاب پروگرام کی معاونت کرے گا، صحت مند کمیونٹیز اور خوشحال پاکستان کی بنیاد رکھ رہے ہیں۔