پرویزمشرف کی جلا وطنی و تنہائی اور فیض حمید کی سزاۓ قیدخوشی کا نہیں ، عبرت کا مقام ہے، غلط کاموں کا نتیجہ جلد یا بدیر غلط ہی نکلتا ہے،خواجہ سعدرفیق

خواجہ سعد رفیق کی بیان

لاہور (ڈیلی پاکستان آن لائن) لیگی رہنما خواجہ سعد رفیق نے کہا ہے کہ جنرل پرویز مشرف کی جلاوطنی اور جنرل فیض حمید کی سزا عبرت کا مقام ہے۔ انہوں نے کہا کہ غلط کاموں کا نتیجہ جلد یا بدیر غلط ہی نکلتا ہے۔

یہ بھی پڑھیں: کراچی؛ڈی ایچ اے میں فائرنگ سے زخمی سینئر وکیل خواجہ شمس الاسلام جاں بحق ہو گئے

جنرل فیض حمید کے متاثرین کی استغفار

اپنے ایکس پر بیان میں انہوں نے کہا کہ مجھ سمیت جنرل فیض حمید کے بیشتر متاثرین اس موقع پر استغفار کا ورد کر رہے ہیں۔ جبکہ جنرل فیض حمید سے مسلسل فیض یاب ہونے والے اور ان کے اشارے پر حملے کرنے والے پیشہ ور رقاص اب اپنے سابق باس کی سزا پر داد و تحسین کے نعرے لگا رہے ہیں۔

یہ بھی پڑھیں: اداکارہ امرخان کی نسیم وکی اورریمبو کے ساتھ لالی ووڈ گانے پر رقص کرتے ہوئے ویڈیو وائرل

جمہوری نظام کی بحالی کی ضرورت

خواجہ سعد رفیق نے مزید کہا کہ پاکستان کے جمہوری نظام اور آئینی حکمرانی کو تلپٹ کرنے والے دونوں افراد اکیلے نہیں تھے۔ بہت سے جرنیل، جج، جرنلسٹ اور سیاستدان اس بگاڑ کا حصہ، ان کے سہولت کار اور بینیفشری تھے۔ ہمیں چاہتے ہیں کہ پھلتے پھولتے پاکستان کو بریکس لگوانے والے تمام کرداروں کا محاسبہ ہو۔ یہ معاملہ محض جنرل فیض حمید کی سزا پر نہیں رک سکتا۔

یہ بھی پڑھیں: موٹروے ایم 5 پر ٹریفک حادثہ، 5 افراد جاں بحق

قومی مصائب کا خاتمہ اور مشترکہ جدوجہد

انہوں نے مزید کہا کہ افراد، جماعتیں اور ادارے اپنے گناہوں اور غلطیوں کو تسلیم کریں۔ آئین کو اس کی اصل حالت میں بحال کیا جائے اور قانون کی حکمرانی کو تسلیم کیا جائے۔ عوامی جمہوری نظام اس کی روح کے ساتھ نافذ کیا جائے، تاکہ ہم غربت، بھوک، نا انصافی، معاشی بدحالی، دہشت گردی، بدامنی، کرپشن اور اقربا پروری سمیت تمام قومی مصائب کے خاتمے کیلئے مشترکہ جدوجہد کریں۔ ایک نیوکلیئر پاکستان اندرونی تضادات، تنازعات اور مزید اختلافات کا متحمل نہیں ہوسکتا۔

سوشل میڈیا پر آواز

آواز ِ دروں —•—

جنرل پرویز مشرف کی جلا وطنی و تنہائی اور جنرل فیض حمید کی سزا عبرت کا مقام ہے، غلط کاموں کا نتیجہ جلد یا بدیر غلط ہی نکلتا ہے۔

مجھ سمیت جنرل فیض حمید کے بیشتر متاثرین اس موقع پر استغفار کا ورد کر رہے ہیں جبکہ جنرل فیض حمید سے مسلسل فیض...

— Khawaja Saad Rafique (@KhSaad_Rafique) December 13, 2025