نجی حج آپریٹرز کی غفلت سے کوئی حج پر نہ جا سکے تو کمپنی کا لائسنس منسوخ کیا جائے گا، وزارت مذہبی امور

وزارت مذہبی امور کی وضاحت

اسلام آباد (ڈیلی پاکستان آن لائن) وزارت مذہبی امور نے واضح کیا ہے کہ نجی حج آپریٹرز کی غفلت سے کوئی حج پر نہ جا سکا تو کمپنی کا لائسنس منسوخ کردیا جائے گا۔

یہ بھی پڑھیں: آپ جیت گئے لیکن کرکٹ کے میدان میں سیاست لے آئے: سوریا کمار یادو پر صحافیوں نے سخت سوالات کی بوچھاڑ کر دی

سخت کارروائی کا اعلان

سما ٹی وی کے مطابق وزارت مذہبی امور نے عازمین کی رقم جمع نہ کرانے والے آپریٹرز کے خلاف سخت کارروائی کا اعلان کیا ہے۔ عازمین حج کی بروقت رقوم منتقلی میں ناکام حج آپریٹرز کا لائسنس منسوخ ہوگا، اور وہ آئندہ حج آپریٹر کے طور پر کام نہیں کرسکے گی۔

نجی حج آپریٹرز کے لیے ہدایات

پرائیویٹ حج آپریٹرز کو حج پیکج کی سو فیصد رقم متعلقہ سعودی اکاؤنٹس میں جمع کرانے کی ہدایت کر دی گئی ہے۔ 15 دسمبر تک سروسز نہ لینے والے آپریٹرز کا باقی کوٹہ سرکاری سکیم میں تبدیل کردیا جائے گا۔ سعودی عرب میں حج اخراجات جمع کرانے کی آخری تاریخ 31 دسمبر ہے، نجی حج آپریٹرز کو منی کی زمین، رہائشی عمارتوں کی سروسز 21 دسمبر تک مکمل کرنے کی ہدایت کی ہے۔