پاکستان بار کونسل کے انتخابات، احسن بھون گروپ نے حامد خان گروپ کو شکست دے دی

انتخابات کے نتائج

لاہور(ڈیلی پاکستان آن لائن) پاکستان بار کونسل کے الیکشن میں احسن بھون گروپ نے حامد خان گروپ کو شکست دے دی۔ احسن بھون گروپ نے پنجاب کی 11 نشستوں میں سے 8 نشستوں پر کامیابی حاصل کر لی، حامد خان گروپ پنجاب میں صرف 2 نشستیں حاصل کر سکا۔

یہ بھی پڑھیں: 24 گھنٹوں میں بارشوں اور سیلاب سے متعلقہ واقعات میں مزید 7 افراد جاں بحق

فیصلے کا اعلان

دنیا ٹی وی کے مطابق پاکستان بار کونسل کی پنجاب میں گیارہویں نشست پر تا حال فیصلہ نہ ہو سکا۔ وفاقی وزیر قانون اعظم نذیر تارڑ اور احسن بھون نے کامیابی پر وکلا کا شکریہ ادا کرتے ہوئے کہا کہ یہ فتح آئین قانون کی بالادستی اور جمہوریت کی فتح ہے۔

یہ بھی پڑھیں: گزشتہ مالی سال کے دوران پاکستان میں ڈیجیٹل ادائیگیوں میں اضافہ ہوا، اسٹیٹ بینک

امیدواروں کی تعداد

پاکستان بار کونسل کی پنجاب میں 11 نشستوں پر 25 امیدواروں میں مقابلہ ہوا۔ مجموعی طور پر پنجاب بار کونسل کے 75 ممبران نے اپنے اپنے ووٹ کاسٹ کئے۔ ووٹنگ کے بعد غیر حتمی غیر سرکاری نتائج کے مطابق احسن بھون گروپ آٹھ نشستیں لے کر کامیاب قرار پایا جبکہ حامد خان گروپ صرف دو نشستیں لے سکا۔

یہ بھی پڑھیں: وزیراعلیٰ بلوچستان سرفراز بگٹی نے محکمہ خوراک ختم کر دیا

مکمل تفصیلات

احسن بھون گروپ میں سے وفاقی وزیر قانون اعظم نذیر تارڑ، انڈیپینڈنٹ گروپ کے سربراہ احسن بھون، طاہر نصر اللہ وڑائچ، عامر سعید راں، پیر مسعود چشتی، ثاقب اکرم گوندل، حفیظ الرحمان چودھری، سید قلب حسن ممبر پاکستان بار کونسل منتخب ہو گئے۔

یہ بھی پڑھیں: صدر شیخ محمد بن زاید النہیان کی طرف سے پاکستان کے سفیر فیصل نیاز ترمذی کو زاید دوئم کے فرسٹ کلاس آرڈر سے نوازا گیا۔

جمہوریت کی فتح

انڈیپینڈنٹ گروپ کی فتح پر وفاقی وزیر قانون اعظم نذیر تارڑ اور احسن بھون نے کہا کہ یہ آئین اور جمہوریت کی فتح ہے۔ حامد خان گروپ کے صرف 2 امیدوار ممبر پاکستان بار کونسل پنجاب سے منتخب ہو سکے، سلمان اکرم راجہ اور شفقت محمود چوہان ممبر پاکستان بار کونسل منتخب ہو گئے۔

آزادیٔ عدلیہ کی جدوجہد

سلمان اکرم راجہ نے کہا کہ ہم عدلیہ کی آزادی کے لیے جدوجہد جاری رکھیں گے۔ پاکستان بار کونسل کی پنجاب میں گیارہویں نشست پر تا حال فیصلہ نہیں ہو سکا، اس حوالے سے حتمی نتائج 22 دسمبر کو جاری کئے جائیں گے۔