لاہور میں پانی کو دوبارہ قابل استعمال بنانے کا منصوبہ منظور

سرفیس واٹر ٹریٹمنٹ پلانٹ کی منظوری

لاہور(ڈیلی پاکستان آن لائن) وزیراعلیٰ پنجاب مریم نواز شریف کے وژن کے تحت صوبائی دارالحکومت میں پہلے سرفیس واٹر ٹریٹمنٹ پلانٹ منصوبے کی منظوری دے دی گئی۔

یہ بھی پڑھیں: ٹوکن کی موجودگی کا مطلب ہے لائن پر اب اکیلی گاڑی کی اجارہ داری ہو گی، پاکستان میں ان اسٹیشنوں پر جہاں سنگل لائن ہے یہ نظام ابھی تک جاری ہے

منصوبے کی تفصیلات

نجی ٹی وی چینل دنیا نیوز کے مطابق لاہور میں بی آر بی کینال پر سرفیس واٹر ٹریٹمنٹ پلانٹ لگایا جائے گا، جس کی 52ویں پی ڈی ڈبلیو پی اجلاس میں منظوری دی گئی۔ ایشین انفراسٹرکچر انویسٹمنٹ بینک کے تعاون سے منصوبہ مکمل کیا جائے گا جس سے یومیہ 54 ملین گیلن سرفیس واٹر کو قابل استعمال بنایا جا سکے گا۔

یہ بھی پڑھیں: ایران جنگ کی شدت میں اضافے کے ساتھ ساتھ سعودی عرب کے لیے پاکستان کا دفاعی تعاون عملی اقدامات کے قریب پہنچنے لگا، تجزیہ کار اشتیاق احمد کی رائے

مقامی آبادی کا فائدہ

اس منصوبے سے مغلپورہ، باغبانپورہ، فتح گڑھ اور شادی پورہ کی آبادی مستفید ہو سکے گی، اس کے علاوہ لاہور کے 17 لاکھ سے زائد شہری بھی استفادہ کرسکیں گے۔

یہ بھی پڑھیں: مسافر کی دوران پرواز دروازہ کھولنے کی کوشش، پرواز موڑ دی گئی

منصوبے کی تکمیل کا وقت

واٹر ٹریٹمنٹ منصوبہ سال 2031 تک مکمل کیا جائے گا اور 120 ایکڑ اراضی پر سرفیس واٹر ٹریٹمنٹ پلانٹ کی تنصیب کی جائے گی، 5 میگا واٹ سولر انرجی سسٹم کے ذریعے بجلی کی پیداوار بھی کی جا سکے گی۔

حکام کی جانب سے بیان

سیکرٹری ہاؤسنگ نورالامین مینگل نے کہا کہ وزیر اعلیٰ پنجاب مریم نواز شریف کی ہدایت پر اہم منصوبوں کا آغاز کیا جا رہا ہے، جلد منصوبہ ایکنک سے منظوری کے لیے پیش کیا جائے گا، صوبے بھر میں آلودہ پانی کو قابل استعمال بنانے پر اہم پیش رفت جاری ہے۔