نائب وزیر اعظم اسحاق ڈار کی متحدہ عرب امارات میں سر بنی یاس فورم 2025 کے موقع پر برطانوی ہم منصب سمیت دیگر عالمی رہنماؤں سے اہم ملاقاتیں

نائب وزیر اعظم اسحاق ڈار کی برطانیہ کے نائب وزیرِاعظم سے ملاقات

اسلام آباد (ڈیلی پاکستان آن لائن) نائب وزیر اعظم اسحاق ڈار کی برطانیہ کے نائب وزیرِاعظم ڈیوڈ لیمی سے ملاقات ہوئی، جس کے دوران دوطرفہ تعلقات سمیت موجودہ علاقائی اور بین الاقوامی صورتحال پر تبادلۂ خیال کیا گیا۔

یہ بھی پڑھیں: سیالکوٹ میں حاملہ خاتون ساس اور نند کے ہاتھوں قتل

سر بنی یاس فورم میں ملاقات کی تفصیلات

ملاقات آج سر بنی یاس فورم کے موقع پر ہوئی، جس کی تفصیل اسحاق ڈار نے سماجی رابطے کی ویب سائٹ ’’ایکس‘‘ پر جاری کر دی۔ اسحاق ڈار نے لکھا کہ برطانیہ کے نائب وزیرِاعظم اور وزیرِ انصاف، میرے دوست ڈیوڈ لیمی کے ساتھ ایک نتیجہ خیز ملاقات ہوئی۔ یہ ملاقات پاکستان اور برطانیہ کے دوطرفہ تعلقات پر تبادلۂ خیال کے حوالے سے اچھی ثابت ہوئی۔

یہ بھی پڑھیں: آئی پی ایل کے دوبارہ آغاز کا اعلان، شیڈول سامنے آگیا

آذربائیجان کے وزیرِ خارجہ سے ملاقات

وزیرِ خارجہ نے متحدہ عرب امارات میں منعقدہ سر بنی یاس فورم 2025 کے موقع پر آذربائیجان کے وزیرِ خارجہ، جناب جیحون بایراموف سے بھی ملاقات کی۔ ملاقات کے دوران خطے کی صورتحال اور پاکستان و آذربائیجان کے مابین دوطرفہ تعلقات سمیت باہمی دلچسپی کے مختلف امور پر تفصیلی تبادلۂ خیال کیا گیا۔

یہ بھی پڑھیں: پی ٹی آئی لیڈر کے سیاسی ڈی این اے میں مذاکرات کی گنجائش نہیں، خواجہ آصف

انٹرنیشنل ریسکیو کمیٹی کے صدر سے گفتگو

وزیرِ خارجہ نے برطانیہ کے سابق وزیرِ خارجہ اور اس وقت انٹرنیشنل ریسکیو کمیٹی (IRC) کے صدر و چیف ایگزیکٹو آفیسر، ڈیوڈ ملی بینڈ سے بھی ملاقات کی، جس میں عالمی سطح پر انسانی امداد، ریلیف اور ترقی سے متعلق امور پر گفتگو کی گئی۔

یہ بھی پڑھیں: سینئر صحافی عبدالستار خان کی کتاب ’’ڈارک ٹاور آف اکاؤ نٹبیلیٹی‘‘ کی تقریب رونمائی، مجیب الرحمان شامی اور سہیل وڑائچ سمیت اہم شخصیات کی شرکت

لکسمبرگ اور پولینڈ کے حکام سے ملاقاتیں

اس موقع پر لکسمبرگ کے نائب وزیرِ اعظم و وزیرِ خارجہ، ژاویئر بیٹل سے ملاقات ہوئی، جس میں موجودہ عالمی چیلنجز اور بین الاقوامی صورتحال پر تبادلۂ خیال کیا گیا۔ مزید برآں، پولینڈ کے نائب وزیرِ خارجہ و وزیرِ خارجہ، جناب رادوسواف سیکورسکی سے ملاقات میں عالمی امور اور اہم بین الاقوامی مسائل پر خیالات کا تبادلہ کیا گیا۔

شکریہ اور نیک تمنائیں

وزیرِ خارجہ نے سر بنی یاس فورم 2025 میں شرکت کے دوران بھرپور معاونت اور تعاون پر متحدہ عرب امارات میں تعینات پاکستانی سفارتی مشن اور کمیونٹی کا تہہ دل سے شکریہ ادا کیا اور ان کے لیے نیک تمناؤں کا اظہار کیا۔