اہلیہ اور بیٹی کو قتل کرنے والے ڈی ایس پی عثمان حیدر 3 روزہ جسمانی ریمانڈ پر پولیس کے حوالے
قتل کے مقدمے میں ڈی ایس پی کی گرفتاری
لاہور (ڈیلی پاکستان آن لائن) جوڈیشل مجسٹریٹ علی اکبر نے اہلیہ اور بیٹی کے قتل کے مقدمے میں گرفتار ڈی ایس پی عثمان حیدر کو 3 روز کے جسمانی ریمانڈ پر پولیس کے حوالے کردیا ہے۔
یہ بھی پڑھیں: پی ٹی آئی والے بھائی ہیں، پاکستان کے لیے مل کر لڑیں گے: وزیراطلاعات
سماعت کی تفصیلات
جوڈیشل مجسٹریٹ علی اکبر نے پولیس کی درخواست پر سماعت کی۔ پولیس نے ملزم کے چودہ روزہ جسمانی ریمانڈ کی استدعا کی تھی۔ تھانہ برکی پولیس نے قتل کی دفعات کے تحت مقدمہ درج کر رکھا ہے۔
ریمانڈ کی منظوری
پولیس نے ملزم ڈی ایس پی عثمان حیدر کو جوڈیشل مجسٹریٹ کے روبرو پیش کیا، جہاں عدالت نے ملزم عثمان کا تین روزہ جسمانی ریمانڈ منظور کر لیا۔ عدالت نے ائندہ سماعت پر تفتیش سے متعلق رپورٹ پیش کرنے کی ہدایت بھی کی۔
