شدید دھند کے باعث موٹرویز ایم 3، ایم 4 اور ایم 5 مختلف مقامات سے بند

موٹروے پر پابندیاں

لاہور (ڈیلی پاکستان آن لائن) ترجمان موٹروے پولیس کا کہنا ہے شدید دھند کے باعث موٹروے ایم 3 درخانہ سے رجانہ تک، موٹروے ایم 4 گوجرہ سے ملتان تک اور موٹروے ایم 5 ملتان سے ظاہر پیر تک ہر قسم کی ٹریفک کے لیے بند کر دی گئی ہیں۔

یہ بھی پڑھیں: بین الپارلیمانی سپیکرز کانفرنس میں شرکت کے لیے غیر ملکی وفود اسلام آباد پہنچ گئے۔

سفر کے حوالے سے احتیاطی تدابیر

موٹروے پولیس کا کہنا ہے کہ حدِ نگاہ میں نمایاں کمی کے باعث سفر انتہائی خطرناک ہو سکتا ہے، اسی لیے شہری غیر ضروری سفر سے گریز کریں۔ دھند کے دوران لین کی خلاف ورزی سنگین حادثات کا سبب بن سکتی ہے۔ انہوں نے روڈ یوزرز کو ہدایت کی کہ لین ڈسپلن پر سختی سے عمل کریں اور کسی بھی صورت میں اوورٹیکنگ سے اجتناب کریں۔

یہ بھی پڑھیں: پاکستانی حجاج کو 2025ء میں بہترین سہولیات فراہم کی جائیں گی: ڈائریکٹر جنرل حج مشن عبدالوہاب سومرو

حادثات کے خطرات میں اضافہ

موٹروے پولیس کے مطابق تیز رفتاری اور آگے والی گاڑی سے کم فاصلہ رکھنا حادثات کے خطرات کو کئی گنا بڑھا دیتا ہے۔ ترجمان سید عمران احمد نے شہریوں کو مشورہ دیا کہ ممکن ہو تو سفر دن کے اوقات میں کریں۔

یہ بھی پڑھیں: دورہ آسٹریلیا اور زمبابوے کے لیے قومی وائٹ بال ٹیموں کا اعلان کر دیا گیا

محفوظ اوقات

ان کے مطابق دھند کے دوران صبح 10 بجے سے شام 6 بجے تک کے اوقات نسبتاً محفوظ تصور کیے جاتے ہیں۔

یہ بھی پڑھیں: طیارے گرنے کے اعتراف کے بعد بھارتی صحافی مودی سرکار اور فوج پر برس پڑے

روشنی کے استعمال کی اہمیت

انہوں نے ڈرائیور حضرات کو فوگ لائٹس کے استعمال پر زور دیتے ہوئے کہا کہ گاڑیوں کی ہیڈ اور فوگ لائٹس درست حالت میں ہونی چاہئیں تاکہ حدِ نگاہ بہتر بنائی جا سکے۔

یہ بھی پڑھیں: 2027 میں صدی کا طویل ترین سورج گرہن ہوگا

موٹروے پولیس کی ہدایات

موٹروے پولیس نے ہدایت کی ہے کہ دورانِ سفر رفتار کم رکھیں، آگے چلنے والی گاڑی سے محفوظ فاصلہ برقرار رکھیں اور کسی بھی ہنگامی صورتحال میں فوری مدد کیلئے موٹروے پولیس ہیلپ لائن 130 پر رابطہ کریں۔

شہریوں کی حفاظت کی ترجیحات

ترجمان نے کہا کہ شہریوں کی حفاظت موٹروے پولیس کی اولین ترجیح ہے اور موسم کی صورتحال بہتر ہوتے ہی موٹرویز کو مرحلہ وار کھول دیا جائے گا。