شدید دھند کے باعث موٹرویز ایم 3، ایم 4 اور ایم 5 مختلف مقامات سے بند

موٹروے پر پابندیاں

لاہور (ڈیلی پاکستان آن لائن) ترجمان موٹروے پولیس کا کہنا ہے شدید دھند کے باعث موٹروے ایم 3 درخانہ سے رجانہ تک، موٹروے ایم 4 گوجرہ سے ملتان تک اور موٹروے ایم 5 ملتان سے ظاہر پیر تک ہر قسم کی ٹریفک کے لیے بند کر دی گئی ہیں۔

یہ بھی پڑھیں: جو کچھ بھی کیا ہے عمیری نے کیا، میں ایک گھریلو خاتون ہوں، عمیری کو سخت سے سخت سزا دی جائے؛ خاتون کا ضمانت پر رہائی کے بعد پہلا انٹرویو

سفر کے حوالے سے احتیاطی تدابیر

موٹروے پولیس کا کہنا ہے کہ حدِ نگاہ میں نمایاں کمی کے باعث سفر انتہائی خطرناک ہو سکتا ہے، اسی لیے شہری غیر ضروری سفر سے گریز کریں۔ دھند کے دوران لین کی خلاف ورزی سنگین حادثات کا سبب بن سکتی ہے۔ انہوں نے روڈ یوزرز کو ہدایت کی کہ لین ڈسپلن پر سختی سے عمل کریں اور کسی بھی صورت میں اوورٹیکنگ سے اجتناب کریں۔

یہ بھی پڑھیں: ایتھنز میں ’’معرکۂ حق اور استحکامِ پاکستان‘‘ کے عنوان سے عظیم الشان سیمینار، اہم شخصیات کی شرکت، مسلح افواج سے والہانہ محبت کا اظہار

حادثات کے خطرات میں اضافہ

موٹروے پولیس کے مطابق تیز رفتاری اور آگے والی گاڑی سے کم فاصلہ رکھنا حادثات کے خطرات کو کئی گنا بڑھا دیتا ہے۔ ترجمان سید عمران احمد نے شہریوں کو مشورہ دیا کہ ممکن ہو تو سفر دن کے اوقات میں کریں۔

یہ بھی پڑھیں: اپنے اپارٹمنٹ سے کاروبار شروع کرنے والے چین کے سب سے امیر شخص جن کی کمپنی میں کوئی سرمایہ کاری تیار نہیں ہوئی

محفوظ اوقات

ان کے مطابق دھند کے دوران صبح 10 بجے سے شام 6 بجے تک کے اوقات نسبتاً محفوظ تصور کیے جاتے ہیں۔

یہ بھی پڑھیں: پاکستان کسی بھی قسم کی مہم جوئی کا بھرپور جواب دینے کیلئے تیار ہے: سیکرٹری خارجہ

روشنی کے استعمال کی اہمیت

انہوں نے ڈرائیور حضرات کو فوگ لائٹس کے استعمال پر زور دیتے ہوئے کہا کہ گاڑیوں کی ہیڈ اور فوگ لائٹس درست حالت میں ہونی چاہئیں تاکہ حدِ نگاہ بہتر بنائی جا سکے۔

یہ بھی پڑھیں: ضلع کرم میں راستے بند، ادویات کی قلت، 2 ماہ میں 29 بچے انتقال کرگئے

موٹروے پولیس کی ہدایات

موٹروے پولیس نے ہدایت کی ہے کہ دورانِ سفر رفتار کم رکھیں، آگے چلنے والی گاڑی سے محفوظ فاصلہ برقرار رکھیں اور کسی بھی ہنگامی صورتحال میں فوری مدد کیلئے موٹروے پولیس ہیلپ لائن 130 پر رابطہ کریں۔

شہریوں کی حفاظت کی ترجیحات

ترجمان نے کہا کہ شہریوں کی حفاظت موٹروے پولیس کی اولین ترجیح ہے اور موسم کی صورتحال بہتر ہوتے ہی موٹرویز کو مرحلہ وار کھول دیا جائے گا。