ثانیہ مرزا کا کیرئیر کے عروج پر ذاتی زندگی کے سبب ڈپریشن میں مبتلا ہونے کا انکشاف

ثانیہ مرزا کی ذہنی صحت کے حوالے سے گفتگو

نئی دہلی(ڈیلی پاکستان آن لائن) بھارت کی سابقہ ٹینس سٹار ثانیہ مرزا نے انکشاف کیا ہے کہ اپنے کیرئیر کے عروج کے دوران ذاتی زندگی کے مسائل کے سبب وہ ڈپریشن کا شکار ہوگئی تھیں۔

یہ بھی پڑھیں: انٹونی بلنکن نے ٹرمپ کا ایران میں رجیم چینج کا دعویٰ مسترد کر دیا

جمیما روڈریگز کی انزائٹی پر بات چیت

حال ہی میں ویمنز کرکٹ ورلڈکپ 2025 کے سیمی فائنل کے دوران کرکٹر جمیما روڈریguez نے بھی اپنی انزائٹی سے متعلق کھل کر اظہار کیا تھا جس کے بعد سابقہ ٹینس سٹار نے انہیں سراہتے ہوئے ذاتی ذہنی صحت کے مسائل پر بات کی۔

یہ بھی پڑھیں: پاکستان بزنس کونسل شارجہ کا شارجہ میں ہائی ٹیک ای انوائسنگ، آگاہی و نیٹ ورکنگ سیشن کا انعقاد

ذہنی صحت کی اہمیت

ثانیہ نے ایک انٹرویو میں کہا کہ ذہنی صحت کے مسائل پر توجہ دینا اہمیت کا حامل ہے، یہ بہت ضروری ہے، میں نے اپنی زندگی میں اس پر بہت دیر میں توجہ دی کیونکہ مجھے اس حوالے سے آگاہی نہیں تھی۔

یہ بھی پڑھیں: تبلیغی جماعت کے بزرگ مولانا زکریا کاندھلوی مرحوم کے آخری خلیفہ مولانا پیر مختار الدین شاہ انتقال کرگئے، نماز جنازہ کل ادا کیا جائے گا۔

معاشرتی تبدیلی اور آگاہی

انہوں نے کہا کہ پچھلے 8 سے 10 برسوں کے دوران لوگوں نے ذہنی صحت کو اہمیت اور اس پر کھل کر بات کرنا شروع کی ہے، اس سے قبل معاشرے میں اس حوالے سے غلط فہمیاں موجود تھیں، کئی لوگ اس پر بات کرنے سے گریز کرتے تھے لیکن مجھے خوشی ہے کہ اب یہ رجحان ختم ہو رہا ہے۔

یہ بھی پڑھیں: موسم سرما کے آتے ہی چائے کی درآمد میں بڑا اضافہ

ذاتی تجربات کی اہمیت

ثانیہ مرزا کا کہنا تھا کہ ہم جیسے لوگ، جن کی آواز نسبتاً زیادہ سنی جاتی ہے، ہماری ذمہ داری بنتی ہے کہ ہم ان موضوعات پر بات کریں جن پر عموماً خاموشی اختیار کی جاتی ہے، مجھے خوشی ہے کہ میں نے اس پر بات کی۔

یہ بھی پڑھیں: ٹرمپ نے آئندہ ہفتے سعودی ولی عہد سے ملاقات کی تصدیق کردی

مشکلات کا سامنا

سابقہ کھلاڑی نے اپنی ذاتی مسائل پر بات کرتے ہوئے کہا کہ میں خود بھی اس مرحلے سے گزری ہوں، ایک وقت تھا جب میں ڈپریشن میں مبتلا تھی، ٹینس کورٹ کے باہر مجھے کئی مسائل و مشکلات کا سامنا تھا جن سے میں نمٹ رہی تھی، یہ وہ وقت تھا جب میں اپنے کیرئیر کے عروج پر تھی۔

یہ بھی پڑھیں: صدر مملکت نے اہم ترمیمی بلز، سول اعزازات، سزاؤں میں خصوصی کمی کی منظوری دے دی

حوصلہ اور طاقت

انہوں نے یہ بھی کہا کہ جب پوری دنیا کی نظریں آپ پر ہوں تو خود کو کمزور ظاہر کرنے کے لیے حوصلے کی ضرورت ہوتی ہے، عروج کے لمحے میں ایسا کرنا اور بھی مشکل ہوتا ہے، میں جمیما کی کیفیت کو سمجھ سکتی ہوں۔

باقی کھلاڑیوں کے لیے پیغام

سابقہ اسٹار نے امید ظاہر کی کہ جمیما کی ہمت سے دیگر کھلاڑیوں کو بھی احساس ہوگا کہ ذہنی صحت پر بات کرنا اور اس کے لیے مدد لینا باعثِ شرمندگی یا کمزوری نہیں ہے۔