وزیراعظم کا بیرون ملک جانے والے افراد کو آف لوڈ کرنے کے معاملے کا نوٹس، چودھری سالک کی سربراہی میں کمیٹی تشکیل دیدی

وزیراعظم کا نوٹس

اسلام آباد (سٹاف رپورٹر) وزیراعظم شہبازشریف نے بیرون ملک جانے والے افراد کو آف لوڈ کرنے کے معاملے کا نوٹس لے لیا۔

یہ بھی پڑھیں: ہم نے ابھی تک کارکنان کو کوئی لائحہ عمل نہیں دیا، رپورٹ کے مطابق عمران خان کی آنکھ ریکور ہو رہی ہے تو اس کا مطلب خراب تھی اور خراب کیوں ہوئی یہ سوال ہمیشہ رہے گا، سہیل آفریدی

کمیٹی کی تشکیل

وزیراعظم کی جانب سے وفاقی وزیر اوورسیز پاکستانیز چوہدری سالک کی سربراہی میں کمیٹی تشکیل دی گئی، وفاقی وزیر آئی ٹی، وزیر مملکت اوورسیز پاکستانیز بھی کمیٹی میں شامل ہوں گے۔ وزارت خارجہ امور، نادرا اور ایف آئی اے کے نمائندے کو بھی کمیٹی کا حصہ بنایا گیا ہے۔

یہ بھی پڑھیں: کامران ٹیسوری کا اداکارہ حمیرا اصغر کی تدفین کا اعلان، جنازہ گورنر ہاؤس میں ہوگا

کمیٹی کے ارکان

بتایا گیا ہے کہ پاکستان ڈیجیٹل اتھارٹی اور نیشنل آئی ٹی بورڈ کے سربراہان بھی کمیٹی کا حصہ ہوں گے، سیکرٹری اوورسیز پاکستانیز، سیکرٹری آئی ٹی، ایڈیشنل سیکرٹری داخلہ بھی کمیٹی کے رکن ہوں گے۔

یہ بھی پڑھیں: قائم مقام اسپیکر پنجاب اسمبلی کا اپوزیشن کے 26معطل ارکان کو فوری بحال کرنے کا حکم

نیا میکنزم تجویز کرنا

یہ کمیٹی بیرون ملک جانے والے افراد سے متعلق نیا میکنزم تجویز کرے گی، پروٹیکٹر سٹیمپ سے متعلق نظام کو بین الاقوامی سطح پر ہم آہنگ کرنے کی سفارش بھی کی جائے گی۔ کمیٹی تین ہفتوں میں اپنی رپورٹ وزیراعظم کو پیش کرے گی۔

یہ بھی پڑھیں: اپنا کماؤ ……اپنا کھاؤ“ وزیراعلیٰ مریم نواز نے تاریخ رقم کر دی، پنجاب میں 90 روز میں 57913 نئے کاروبار شروع ہونے کا ریکارڈ بن گیا

کمیٹی کے سربراہ کا بیان

کمیٹی کے سربراہ وفاقی وزیر برائے اوورسیز پاکستانیز و ترقی انسانی وسائل چوہدری سالک حسین نے کہا ہے کہ کچھ ہفتوں سے بیرون ممالک روزگار کیلئے جانے والے پاکستانیوں کو ائیرپورٹس پر آف لوڈ کرنے کے واقعات سامنے آ رہے ہیں۔ وزارت داخلہ اور وزارت اوورسیز پاکستانیز میں اس حوالے سے اعلیٰ سطح پر اجلاس ہوئے، جس میں وزیر داخلہ نے بھی شرکت کی۔

یہ بھی پڑھیں: سارہ شریف قتل کیس: سوتیلی ماں ہی اصل ملزم قرار، پاکستانی نژاد والد کا عدالت میں بیان

امیدیں اور اقدامات

وزیر اعظم نے معاملے پر اعلیٰ سطح کی کمیٹی تشکیل دی ہے، امید ہے جنوری تک روزگار کیلئے بیرون ممالک جانے والے پاکستانیوں کے ائیرپورٹس پر آف لوڈنگ کے واقعات کا تدارک کر لیا جائے گا۔ تمام سٹیک ہولڈرز کے ساتھ مل کر ایسے واقعات روکنے کیلئے ایس او پیز بنا رہے ہیں۔

حکومت کی ترجیحات

ان کا کہنا ہے کہ محفوظ اور منظم طریقے سے بیرون ملک روزگار کیلئے کاوشیں کرنا حکومتِ پاکستان کی ترجیح ہے۔ بیرونِ ملک پاکستانی ترسیلاتِ زر سے ملکی معیشت کو مضبوط بنانے میں اہم کردار ادا کر رہے ہیں۔ رواں سال 7 لاکھ سے زائد پاکستانی روزگار کے لیے بیرونِ ملک گئے۔ سکل ڈویلپمنٹ پروگرامز سے پاکستانیوں کی بیرونِ ملک ملازمت کے بہتر مواقع مل سکتے ہیں، نیشنل سکلز پاسپورٹ سے بیرونِ ملک ملازمت میں سہولت مل رہی ہے۔