گھوٹکی: گزشتہ شب بس سے اغوا کیے گئے تمام مسافروں کو بازیاب کروالیا گیا

بازیابی کا عمل

گھوٹکی (ڈیلی پاکستان آن لائن) گڈوکشمور روڈ پر گزشتہ شب بس سے اغوا کیے گئے تمام مسافروں کو بازیاب کرالیا گیا۔

یہ بھی پڑھیں: کسی کو پنجاب کے لوگوں کی طرف میلی آنکھ سے نہیں دیکھنے دوں گی، اگر صوبے پر کوئی انگلی اٹھے گی تو توڑ دوں گی، وزیراعلیٰ مریم نواز

مسافروں کی تعداد کی تصدیق

ڈی ایس پی اوباڑو عبدالقادر کے مطابق بس کنڈکٹر مغوی مسافروں کی صحیح تعداد نہیں بتا سکا تھا۔ ڈاکوؤں نے 14 مسافروں کو اغوا کیا تھا جب کہ کنڈکٹر نے 18 افراد کے اغوا کا کہا تھا۔

یہ بھی پڑھیں: اسلام آباد کی وی لاگر سماہیہ حجاب کو شادی کی پیشکش مسترد کرنے پر نوجوان لڑکے کی اغواء کی کوشش، ویڈیو وائرل

مغویوں کی حالت

ڈی ایس پی کے مطابق 13 مغوی بازیاب ہوئے ہیں اور ایک کی لاش مل گئی ہے جس کی موت دل کا دورہ پڑنے سے ہوئی ہے۔ جاں بحق مغوی کریم بخش ضلع جعفرآباد کا رہائشی ہے۔

یہ بھی پڑھیں: وزیر اعلیٰ پنجاب کا ضلع کرم میں مسافر گاڑیوں پر فائرنگ سے قیمتی جانوں کے ضیاع پر اظہارتعزیت

پولیس کی مداخلت

پولیس کے مطابق آپریشن کے دوران ڈاکوؤں سے مقابلے میں ایک پولیس اہلکار زخمی ہوا۔ ڈاکوؤں نے پولیس بکتر بند پر راکٹ بھی فائر کیے۔

حملے کی تفصیلات

واضح رہے کہ گزشتہ شب ڈاکوؤں نے کوئٹہ جانے والی ایک بس پر حملہ کیا تھا۔ ڈاکوؤں نے کئی دیر تک فائرنگ کی جس کے بعد خواتین کو چھوڑ کر مرد مسافروں کو اغوا کرکے لے گئے تھے۔