سی ٹی ڈی پنجاب کے دائرہ اختیار میں اضافہ کر دیا گیا

وزیراعلیٰ پنجاب کا نیا اقدام

لاہور(ڈیلی پاکستان آن لائن) وزیراعلیٰ پنجاب کے وژن محفوظ پنجاب کے تحت کاؤنٹر ٹیررازم ڈیپارٹمنٹ (سی ٹی ڈی) کے دائرہ اختیار میں اضافہ کر دیا گیا۔

یہ بھی پڑھیں: آئی ایم ایف کی ایک اور شرط پر عمل درآمد کے لیے اقدامات تیز، وفاقی حکومت نے شوگر سیکٹر کو ڈی ریگولیٹ کرنے کے لیے پالیسی کا مسودہ تیار کرلیا

دائرہ اختیار میں توسیع

نجی ٹی وی چینل دنیا نیوز کے مطابق صوبائی کابینہ کی منظوری سے سی ٹی ڈی کے دائرہ اختیار میں توسیع کی گئی۔ تحصیل کوہِ سلیمان، ڈیرہ غازی خان کو سی ٹی ڈی کے دائرہ اختیار میں شامل کر لیا گیا جبکہ تحصیل (ڈی ایکسکلوڈڈ ایریا) راجن پور بھی سی ٹی ڈی ڈیرہ غازی خان کے دائرہ اختیار میں شامل ہوگیا۔

یہ بھی پڑھیں: فیلڈ مارشل سید عاصم منیر صرف پاکستان ہی نہیں عالمِ اسلام کے لیے بھی باعثِ فخر ہیں، چیئرمین ’ای یو پاکستان فرینڈ شپ فیڈریشن‘ چوہدری پرویز اقبال لوسر ن۔

نئے دائرہ اختیار کی تفصیلات

سی ٹی ڈی ڈیرہ غازی خان کا دائرہ اختیار اب ڈی جی خان پولیس ریجن کے تمام اضلاع پر محیط ہوگا، ڈی جی خان پولیس ریجن میں ڈیرہ غازی خان، مظفرگڑھ، لیہ اور راجن پور شامل ہیں۔

نوٹیفکیشن میں ترمیم

حالیہ فیصلے کے تحت 27 ستمبر 2019 کے سابقہ نوٹیفکیشن میں ترمیم کر دی گئی۔ محکمہ داخلہ کی سفارش اور کابینہ کی منظوری سے نوٹیفکیشن بھی جاری کر دیا گیا۔