لاہور کے علاقے شادی پورہ سے مدرسے کا طالب علم اغوا

طالب علم کا اغوا

لاہور(ڈیلی پاکستان آن لائن) تھانہ باغبانپورہ کے علاقے شادی پورہ میں مدرسے کے ایک طالب علم کو اغوا کر لیا گیا۔

یہ بھی پڑھیں: بشریٰ بی بی پشاور جانے کی بجائے لاہور کیوں آ گئیں ؟ وجہ پتہ چل گئی

اغوا کی تفصیلات

نجی ٹی وی چینل ایکسپریس نیوز کے مطابق مغوی طالب علم کے بڑے بھائی فیض محمد نے بتایا کہ 16 سالہ نیاز محمد مدرسے کے باہر دکان پر گیا تھا اور واپس نہیں آیا جس کے بعد اہلِ خانہ نے تلاش شروع کی مگر اس کا کوئی سراغ نہیں مل سکا۔

یہ بھی پڑھیں: سرگودھا میں شوہر نے فائرنگ کر کے بیوی کو قتل کر دیا۔

پولیس سے درخواست

مغوی کے بڑے بھائی کا کہنا ہے کہ ان کے چھوٹے بھائی کو کسی نامعلوم شخص نے اغوا کر لیا ہے، پولیس میرے بھائی کو جلد از جلد بازیاب کرائے۔

مقدمہ درج

مغوی کے بڑے بھائی نے واقعے کا مقدمہ تھانہ باغبانپورہ میں درج کرا دیا، انہوں نے اعلیٰ پولیس حکام سے اپیل کی ہے کہ واقعے کا نوٹس لے کر مغوی کو بازیاب کرایا جائے۔