لاہور کے علاقے شادی پورہ سے مدرسے کا طالب علم اغوا

طالب علم کا اغوا

لاہور(ڈیلی پاکستان آن لائن) تھانہ باغبانپورہ کے علاقے شادی پورہ میں مدرسے کے ایک طالب علم کو اغوا کر لیا گیا۔

یہ بھی پڑھیں: پاکستان کے خلاف میچ، بھارتی اوپنر بلے باز زخمی ہوگئے

اغوا کی تفصیلات

نجی ٹی وی چینل ایکسپریس نیوز کے مطابق مغوی طالب علم کے بڑے بھائی فیض محمد نے بتایا کہ 16 سالہ نیاز محمد مدرسے کے باہر دکان پر گیا تھا اور واپس نہیں آیا جس کے بعد اہلِ خانہ نے تلاش شروع کی مگر اس کا کوئی سراغ نہیں مل سکا۔

یہ بھی پڑھیں: پنجاب : چینی باشندوں کی سکیورٹی کیلئے لگژری گاڑیاں خریدنے کا فیصلہ

پولیس سے درخواست

مغوی کے بڑے بھائی کا کہنا ہے کہ ان کے چھوٹے بھائی کو کسی نامعلوم شخص نے اغوا کر لیا ہے، پولیس میرے بھائی کو جلد از جلد بازیاب کرائے۔

مقدمہ درج

مغوی کے بڑے بھائی نے واقعے کا مقدمہ تھانہ باغبانپورہ میں درج کرا دیا، انہوں نے اعلیٰ پولیس حکام سے اپیل کی ہے کہ واقعے کا نوٹس لے کر مغوی کو بازیاب کرایا جائے۔