دنیا کے مختلف ممالک سے بھیک مانگنے پر ہزاروں پاکستانیوں کو ڈی پورٹ کیے جانے کا انکشاف

پاکستانیوں کی ڈی پورٹیشن کا انکشاف

اسلام آباد (ڈیلی پاکستان آن لائن) دنیا کے مختلف ممالک سے بھیک مانگنے پر ہزاروں پاکستانیوں کو ڈی پورٹ کرنے کا انکشاف ہوا ہے۔

یہ بھی پڑھیں: نیپرا دستاویز نے کے الیکٹرک کی ناقص کارکردگی کا بھانڈا پھوڑ دیا

قومی اسمبلی کی قائمہ کمیٹی کا اجلاس

نجی ٹی وی چینل جیو نیوز کے مطابق قومی اسمبلی کی قائمہ کمیٹی برائے اوورسیز پاکستانیز اور انسانی حقوق کا اجلاس چیئرمین کمیٹی آغا رفیع اللہ کی سربراہی میں ہوا۔

یہ بھی پڑھیں: اداکارہ صنم سعید اور اداکار محب مرزا کے ہاں بیٹے کی پیدائش

ڈی جی ایف آئی اے کی رپورٹ

ڈی جی ایف آئی اے نے کمیٹی کو بتایا کہ اس سال 51 ہزار پاکستانیوں کو مختلف ممالک سے آف لوڈ کیا گیا، سب سے زیادہ 24 ہزار افراد سعودی عرب نے بھیک مانگنے پر ڈی پورٹ کیے، جبکہ اس سال یو اے ای نے 6 ہزار پاکستانیوں کو بھیک مانگنے پر ڈی پورٹ کیا، اور آزربیجان سے بھی ڈھائی ہزار پاکستانی بھکاریوں کو ڈی پورٹ کیا گیا۔

یہ بھی پڑھیں: انڈر 19 کرکٹر سمیر منہاس نے تیز ترین سنچری بنالی، بھارت کا عالمی ریکارڈ چکناچور

غیر قانونی دستاویزات کی معلومات

انہوں نے قومی اسمبلی کی کمیٹی کو بتایا کہ جو لوگ عمرے کا نام لیکر یورپ جانے کی کوشش کر رہے ہیں، انہیں ثبوت کے ساتھ آف لوڈ کیا گیا۔ عمرے کے نام پر لوگوں کے پاس یورپ جانے کے ڈاکیومنٹس تھے تب انہیں آف لوڈ کیا گیا۔

یہ بھی پڑھیں: ہمارے معاشرے میں بخشش کی ادائیگی ایک ایسی عادت ہے جو خدمت کے اعلیٰ معیار کی مظہر نہیں بلکہ گاہک کی ندامت وپشیمانی کا اظہار ہے

بہت سے لوگ واپس نہیں آئے

قومی اسمبلی کی کمیٹی کو بتایا گیا کہ اس سال 24 ہزار افراد کمبوڈیا گئے، جن میں سے 12 ہزار افراد تاحال واپس نہیں آئے، جبکہ برما میں سیاحتی ویزے پر 4 ہزار افراد گے لیکن ڈھائی ہزار واپس نہیں آئے۔

یہ بھی پڑھیں: ٹرمپ کا یوٹرن، مودی کو تنقید کے بعد ’دوست‘ قرار دے دیا

پاسپورٹ رینکنگ میں بہتری

ڈی جی ایف آئی اے کا کہنا تھا کہ غیرقانونی افراد کو روکنے سے پاکستان کی پاسپورٹ رینکنگ 118 سے 92 نمبر پر آئی۔ گزشتہ برسوں میں غیر قانونی جانے والے افراد میں پاکستان ٹاپ 5 ملکوں میں تھا، لیکن اب ہماری پالیسیوں سے پاکستان ٹاپ فائیو ملکوں سے نکل گیا ہے۔

یہ بھی پڑھیں: گلوکارہ قرۃ العین بلوچ کا ریچھ کے حملے کے بعد پہلا ردعمل سامنے آگیا

زیادہ لوگ یورپ جا رہے ہیں

ان کا کہنا تھا کہ گزشتہ برس 8 ہزار افراد غیرقانونی طور پر یورپ گئے جبکہ اس سال یہ تعداد 4 ہزار ہو گئی ہے۔ مجموعی طور پر 56 ہزار پاکستانیوں کو بھیک مانگنے پر سعودی عرب نے ڈی پورٹ کیا۔

یہ بھی پڑھیں: کتّا اور لو میرج

نئی امیگریشن ایپلیکیشن

ڈی جی ایف آئی اے نے بتایا کہ دبئی اور جرمنی نے ہمارے سرکاری پاسپورٹ پر ویزا فری کر دیا ہے۔ ایمی ایپلیکیشن جنوری کے وسط میں لانچ کی جائے گی، جس میں بیرون ملک جانے والے روانگی سے 24 گھنٹے قبل امیگریشن کرالیں گے۔

غیر قانونی سفر کی معلومات

ڈی جی ایف آئی اے نے کہا کہ زمبابوے میں ہمارے سفیر نے بتایا کہ ایتھوپیا اور زیمبیا سے غیر قانونی طریقے سے لوگ یورپ جا رہے ہیں۔ ایک جعلی فٹبال کلب نے ٹیم کو جاپان بھیجا، جبکہ ایک لنگڑا شخص بھی فٹبال ٹیم کے ساتھ چلا گیا۔