نائب وزیراعظم اسحاق ڈار کا ایران کے ساتھ ترجیحی شعبوں میں دوطرفہ روابط بڑھانے کے لیے عزم کا اعادہ

پاکستان کی ایران کے ساتھ دوطرفہ روابط کا عزم

اسلام آباد (سٹاف رپورٹر) نائب وزیراعظم اسحاق ڈار نے ایران کے ساتھ ترجیحی شعبوں میں دوطرفہ روابط بڑھانے کے لئے پاکستان کے عزم کا اعادہ کیا ہے۔

یہ بھی پڑھیں: سہیل آفریدی کسی طور پر وزارتِ اعلیٰ کے اہل نہیں رہے، اختیار ولی

بین الوزارتی اجلاس کی تفصیلات

نائب وزیر اعظم و وزیر خارجہ سینیٹر اسحاق ڈار کی زیر صدارت پاک ایران تعلقات پر بین الوزارتی اجلاس بدھ کو یہاں منعقد ہوا۔ دفتر خارجہ کے مطابق، اجلاس میں مختلف شعبوں میں موجودہ دوطرفہ تعاون کا جائزہ لیا گیا اور اقتصادی و تجارتی تعاون کو مضبوط بنانے کے طریقوں پر تبادلہ خیال کیا گیا۔

شرکاء اور عزم

نائب وزیراعظم نے ایران کے ساتھ ترجیحی شعبوں میں دوطرفہ روابط بڑھانے کے لیے پاکستان کے عزم کا اعادہ کیا۔ اجلاس میں وزیر پیٹرولیم، وزیر اعظم کے معاون خصوصی طارق باجوہ، سیکریٹری پیٹرولیم، وزارت خارجہ اور دیگر متعلقہ وزارتوں کے اعلیٰ حکام نے بھی شرکت کی۔