لاہور ہائی کورٹ کے 9ایڈیشنل ججز کی ایک سالہ مدت مکمل ہونے سے قبل ہی جوڈیشل کمیشن کا اجلاس بلانے کا فیصلہ

لاہور ہائی کورٹ کے ایڈیشنل ججز کی مستقلی

لاہور (ڈیلی پاکستان آن لائن) ہائی کورٹ کے 9 ایڈیشنل ججز کی مستقلی سے متعلق جوڈیشل کمیشن کا ایڈیشنل ججز کی مدت مکمل ہونے سے قبل از وقت جنوری کے دوسرے ہفتے میں اجلاس بلانے کا فیصلہ کرلیا۔

ججز کی کارکردگی کی رپورٹس

لاہور ہائیکورٹ کے 9 ایڈیشنل ججز کی کارکردگی کی رپورٹس جوڈیشل کمیشن کو ارسال کردی گئیں۔

جسٹس حسن نواز مخدوم نے 10 ماہ میں 7 رپورٹڈ ججمنٹس جاری کیں۔ جسٹس ملک وقا حیدر اعوان نے 17، جسٹس سردار اکبر ڈوگر نے 11 رپورٹڈ ججمنٹس جاری کیں، جسٹس احسن رضا کاظمی نے 19، جسٹس جاوید اقبال وینس نے 22 رپورٹڈ ججمنٹس جاری کیں۔ جسٹس جواد ظفر نے 17، جسٹس خالد اسحاق نے 18 رپورٹڈ ججمنٹس جاری کیں، جسٹس ملک اویس خالد نے 15 اور جسٹس سلطان محمود نے 12 رپورٹڈ ججمنٹس جاری کیں۔