پاک بحریہ نے ایک اور سنگ میل عبور کرلیا، چوتھی ہنگور کلاس آبدوز غازی کا چین میں افتتاح

پاک بحریہ کی نئی کامیابی

اسلام آباد (ڈیلی پاکستان آن لائن) پاک بحریہ نے چین کے شہر ووہان میں ہنگور کلاس کی چوتھی آبدوز غازی کامیابی کے ساتھ لانچ کردی۔

یہ بھی پڑھیں: آئین سپریم ہے: قائمہ کمیٹی داخلہ کے اجلاس میں ارکان کے درمیان دلچسپ مکالمہ

آبدوز کی لانچنگ

آئی ایس پی آر نے بتایا کہ آبدوز کی لانچنگ کے ساتھ ہی پاک بحریہ نے ایک اور اہم سنگِ میل عبور کر لیا ہے اور چین میں تیار ہونے والی چاروں ہنگور کلاس آبدوزیں اب سخت سمندری آزمائشوں (سی ٹرائلز) سے گزر رہی ہیں۔ ہنگور کلاس آبدوزیں پاکستان کے حوالے کیے جانے کے لیے آخری مراحل میں داخل ہو چکی ہیں۔ پاکستان نے چین کے ساتھ 8 ہنگور کلاس آبدوزوں کے حصول کا معاہدہ کر رکھا ہے۔ معاہدے کے تحت چار آبدوزیں چین میں جبکہ باقی چار پاکستان میں کراچی شپ یارڈ اینڈ انجینئرنگ ورکس لمیٹڈ میں ٹرانسفر آف ٹیکنالوجی کے تحت تیار کی جائیں گی۔

یہ بھی پڑھیں: نومولود کو فروخت کرنے والے باپ سمیت 5 افراد کے خلاف مقدمہ، گرفتاریاں

جدید ٹیکنالوجی

پاک-چین معاہدے کے تحت تیار ہونے والی یہ جدید آبدوزیں جدید ترین ہتھیاروں اور سینسرز سے لیس ہوں گی، جو طویل فاصلے سے اہداف کو نشانہ بنانے کی بھرپور صلاحیت رکھتی ہیں۔ ہنگور کلاس آبدوزیں خطے میں امن و استحکام کے قیام میں کلیدی کردار ادا کریں گی۔

یہ بھی پڑھیں: کانگریس کے سربراہ نے مودی سے درخواست کردی

تقریب کی اہمیت

آئی ایس پی آر نے مزید بتایا کہ لانچنگ کی تقریب میں پاکستان اور چین کے اعلیٰ حکام نے شرکت کی اور یہ سنگ میل دونوں ممالک کے درمیان گہرے ہوتے ہوئے دفاعی اور بحری تعاون کا عملی مظہر ہے۔

سماجی میڈیا پر اعلان

پریس ریلیز

پاکستان نیوی نے چین میں ہانگور کلاس کی چوتھی آبدوز ’’غازی‘‘ لانچ کر دی

پاکستان نیوی کی ہانگور کلاس کی چوتھی آبدوز، جسے غازی کا نام دیا گیا ہے، چین کے شہر ووہان میں واقع ووچانگ شپ بلڈنگ انڈسٹری گروپ کمپنی لمیٹڈ کے شوانگ لیو بیس پر لانچ کر دی گئی۔ آبدوز غازی کی لانچنگ… pic.twitter.com/u6YbwptYF9

— عمران خان (@lmrankhanISP1) December 17, 2025