انڈر 19 ورلڈکپ کے لیے پاکستان ٹیم کا اعلان
پاکستان انڈر 19 ٹیم کا اعلان
لاہور(ڈیلی پاکستان آن لائن) تین ملکی سیریز اور آئی سی سی انڈر 19 ورلڈ کپ کے لیے پاکستان ٹیم کا اعلان کر دیا گیا۔
یہ بھی پڑھیں: یہاں بات نہ کریں تو کیا یوٹیوب چینل کھول لیں؟ خضدار واقعے پر سینیٹ اجلاس میں بات کرنے سے روکے جانے پرسابق نگران وزیراعظم انوارالحق کاکڑ برہم
کپتان اور اسکواڈ کی تبدیلی
فرحان یوسف پاکستان انڈر 19 ٹیم کی قیادت جاری رکھیں گے۔ قومی انڈر 19 اسکواڈ میں صرف ایک تبدیلی کی گئی ہے، محمد حذیفہ کی جگہ عمر زیب کو ٹیم میں شامل کیا گیا ہے۔
یہ بھی پڑھیں: پیپلز پارٹی نے خورشید شاہ اور ندیم افضل چن کے ذریعے پی ٹی آئی کو حکومت بنانے کی پیشکش کی، مصدق ملک
پاکستان انڈر 19 سکواڈ
پاکستان انڈر 19 سکواڈ میں کپتان فرحان یوسف، عثمان خان (نائب کپتان)، عبدالسبحان، احمد حسین، علی حسن بلوچ، علی رضا، دانیال علی خان اور عمر زیب شامل ہیں۔ حمزہ ظہور، حذیفہ احسن، مومن قمر، محمد صیّام، محمد شایان، نقاب شفیق اور سمیر منہاس بھی سکواڈ کا حصہ ہیں۔
یہ بھی پڑھیں: احمد الاحمد آسٹریلیا کے ہیرو، اتحاد اور حوصلے کی علامت ہیں : وزیراعظم البانیز
تین ملکی سیریز کی تفصیلات
تین ملکی سیریز زمبابوے میں 25 دسمبر سے 6 جنوری تک کھیلی جائے گی، جس میں پاکستان، افغانستان اور میزبان زمبابوے شامل ہیں۔ پاکستان انڈر 19 ٹیم تین ملکی سیریز میں کم از کم 4 میچز کھیلے گی۔
آئی سی سی انڈر 19 ورلڈکپ
آئی سی سی انڈر 19 ورلڈکپ 15 جنوری سے 6 فروری تک نمیبیا اور زمبابوے میں کھیلا جائے گا۔ دونوں ٹورنامنٹس 50 اوور فارمیٹ میں کھیلے جائیں گے۔
