قطر کے ساتھ سرمایہ کاری اور تجارت میں تعاون بڑھانا چاہتے ہیں: صدر مملکت

زرداری کا قطر کے ساتھ تعلقات پر اظہار خیال

اسلام آباد(ڈیلی پاکستان آن لائن) صدر مملکت آصف علی زرداری نے کہا ہے کہ قطر کے ساتھ سرمایہ کاری اور تجارت میں تعاون بڑھانے کے خواہاں ہیں۔

یہ بھی پڑھیں: نئے صوبے بنانے کیلئے قومی اسمبلی میں اتفاق رائے موجود ہے، بلاول بھٹو زرداری

قطر کے قومی دن پر مبارکباد

نجی ٹی وی چینل دنیا نیوز کے مطابق اپنے بیان میں صدرِ پاکستان آصف علی زرداری نے ریاستِ قطر کے قومی دن پر مبارکباد پیش کی اور امیرِ قطر شیخ تمیم بن حمد الثانی و قطری عوام کے لیے نیک تمناؤں کا اظہار کیا۔

یہ بھی پڑھیں: امریکا اور ایران کے درمیان اسلام آباد میں جمعے کو مذاکرات کا امکان

پاکستان اور قطر کے مضبوط تعلقات

صدر مملکت کا کہنا تھا کہ پاکستان اور قطر کے تعلقات مشترکہ اقدار اور باہمی احترام پر مبنی ہیں، دونوں ممالک کے درمیان قریبی اور دیرپا برادرانہ تعلقات قائم ہیں، امیرِ قطر کی قیادت میں قطر نے نمایاں ترقی اور کامیابیاں حاصل کیں۔

یہ بھی پڑھیں: بنگلادیش کے ورلڈکپ میں شرکت سے انکار کی صورت میں پاکستان کے بھی بائیکاٹ کا امکان

قطر کا مثبت کردار

انہوں نے کہا کہ خطے اور عالمی سطح پر قطر کا مثبت کردار قابلِ تحسین ہے، قطر کے ساتھ سرمایہ کاری اور تجارت میں تعاون بڑھانا چاہتے ہیں، توانائی، زراعت اور ٹیکنالوجی میں شراکت داری کو فروغ دیا جائے گا، افرادی قوت اور عوامی روابط دونوں ممالک کے تعلقات کی بنیاد ہیں۔

یہ بھی پڑھیں: سہیل آفریدی کا پشاور کے لیے 100 ارب روپے کے پیکج کا اعلان

پاکستان اور قطر کی دوستی

آصف علی زرداری نے پاکستان اور قطر کی دوستی مزید مضبوط بنانے کے عزم کا بھی اظہار کیا۔

یہ بھی پڑھیں: اپنی بیوی کا اجنبیوں سے مبینہ زیادتی کروانے والا شوہر: ‘میری والدہ اس شخص کی دیکھ بھال کر رہی تھیں جس نے اُن کا زیادتی کروایا’

کسانوں کو خراجِ تحسین

دوسری جانب صدرِ مملکت آصف علی زرداری نے عالمی یومِ کسان کے موقع پر پاکستان کے کسانوں کو خراجِ تحسین پیش کیا ہے۔

یہ بھی پڑھیں: کینیڈا نے 13 ممالک کے شہریوں کے لیے ویزا کی شرط ختم کردی

کسانوں کی اہمیت

اپنے بیان میں صدر مملکت آصف علی زرداری کا کہنا تھا کہ پاکستان کا کسان ملکی معیشت، غذائی خودکفالت اور دیہی ترقی کی بنیاد ہے، خود زراعت سے وابسطہ گھرانے سے تعلق رکھنے کی وجہ سے کسانوں کی محنت، کامیابیوں اور مشکلات کا بخوبی ادراک ہے۔

یہ بھی پڑھیں: ایران اسرائیل تنازع پر اقوام متحدہ کی سلامتی کونسل کا ہنگامی اجلاس آج ہوگا

زرعی چیلنجز

انہوں نے کہا کہ زراعت پاکستان کے کروڑوں خاندانوں کے روزگار کا ذریعہ اور قومی ترقی کا اہم ستون ہے، پانی کی قلت، موسمیاتی تبدیلی اور زرعی لاگت میں اضافہ پاکستانی کسانوں کیلئے بڑے چیلنجز ہیں۔

زرعی ترقی کے لئے اقدامات

صدر مملکت کا کہنا تھا کہ پاکستان میں کسانوں کی فلاح، جدید زرعی ٹیکنالوجی اور منڈیوں تک بہتر رسائی کیلئے ٹھوس اقدامات ناگزیر ہیں، زرعی شعبے کی مضبوطی سے ہی پاکستان میں غذائی تحفظ، پائیدار ترقی اور خوشحالی ممکن ہے۔