لاہور ہائی کورٹ کا بڑا فیصلہ: مسافر کو جہاز سے اتارنے پر تحریری وجہ دینا لازمی قرار

لاہور ہائیکورٹ کا اہم فیصلہ

لاہور(ڈیلی پاکستان آن لائن) لاہور ہائیکورٹ نے بیرونِ ملک جانے والے کسی بھی شہری کو آف لوڈ کرنے کی صورت میں متعلقہ حکام کو فوری طور پر تحریری وجوہات فراہم کرنے کا پابند قرار دے دیا۔

یہ بھی پڑھیں: نیٹو میں امریکی فوجی نمائندے کو برطرف کردیا گیا

عبوری تحریری حکم

نجی ٹی وی چینل دنیا نیوز کے مطابق عبوری تحریری حکم جسٹس علی ضیاء باجوہ نے درخواست گزار چودھری شہریار قندیل کی درخواست پر جاری کیا۔

یہ بھی پڑھیں: ٹک ٹاکر ثنا یوسف کے مبینہ قاتل کی سی سی ٹی وی فوٹیج سامنے آ گئی

شہریوں کی آئینی آزادی

عدالت نے واضح کیا ہے کہ انتظامی صوابدید خواہ کتنی ہی وسیع کیوں نہ ہو شہریوں کی آئینی آزادی سلب کرنے کا جواز فراہم نہیں کر سکتی۔

یہ بھی پڑھیں: پی ٹی آئی کا پاک بھارت کشیدگی پر حکومتی بریفنگ میں شرکت نہ کرنے کا اعلان

سفری دستاویزات کی ضرورت

فیصلے میں عدالت نے قرار دیا کہ اگر کسی مسافر کے پاس مکمل سفری دستاویزات موجود ہوں تو مناسب قانونی کارروائی پر عمل کئے بغیر اسے سفر سے محروم نہیں کیا جا سکتا۔

یہ بھی پڑھیں: گوجرانوالہ؛ پادری کے قتل کا ڈراپ سین، بیوی اور آشنا ماسٹر مائنڈ نکلے

ایف آئی اے کی وضاحت

عدالت نے اپنے فیصلے میں لکھا کہ وفاقی تحقیقاتی ایجنسی (ایف آئی اے) کے افسران نے معاونت کے لیے مہلت طلب کی ہے تاکہ یہ واضح کیا جا سکے کہ کن قانونی دفعات کے تحت مسافروں کو روانگی سے عین قبل آف لوڈ کیا جاتا ہے۔

یہ بھی پڑھیں: فارغ بیٹھنا بیماری ہے، اصول پر کام کرنے والے پر کبھی دباؤ نہیں ڈالا جا سکتا، آپ غریب اور مستحق کی مدد کریں اللہ تعالیٰ کی مدد خود ہی شامل ہو جاتی ہے۔

قانونی شقوں کی ہدایت

عدالت نے لاء افسران کو ہدایت کی کہ وہ قانونی شقیں عدالت کے سامنے رکھیں جو ایسے اقدامات کا اختیار فراہم کرتی ہوں۔

یہ بھی پڑھیں: ابھی تو ہم نے انجوائے کرنا شروع کیا تھا، جنگ بند کیوں کردی؟ سیز فائر پر لاہوریوں کے خیالات

ذاتی آزادی کی پابندیاں

جسٹس علی ضیاء باجوہ نے واضح کیا کہ جہاں بھی ریاست کسی شہری کی ذاتی آزادی پر پابندی عائد کرنا چاہے اسے اس کے لیے واضح قانونی اختیار دکھانا ہوگا، محض انتظامی فیصلے کی بنیاد پر کسی شخص کو بیرونِ ملک سفر سے روکنا آئین کے تحت دی گئی آزاد نقل و حرکت کے حق کی خلاف ورزی کے مترادف ہے۔

یہ بھی پڑھیں: پاکستان کے سفیر برائے متحدہ عرب امارات شفقت علی خان کی طرف سے امارات میں مقیم پاکستانیوں کو یوم پاکستان کی مبارکباد

تحریری وجوہات کی ضرورت

سماعت کے دوران سرکاری لاء افسر نے عدالت کو بتایا کہ درخواست گزار کو پرواز سے اتارنے کے حوالے سے کوئی تحریری وجوہات ریکارڈ پر موجود نہیں ہیں تاہم انہیں تحریری وجوہات فراہم کی جائیں گی۔

یہ بھی پڑھیں: پیٹرولیم مصنوعات کی قیمتوں میں کمی کا امکان

حقِ داد رسی کے تحفظ کی ضمانت

عدالت نے قرار دیا کہ کسی بھی شخص کو آف لوڈ کرنے کے وقت ہی تحریری وجوہات فراہم کرنا لازم ہے کیونکہ یہ محض رسمی کارروائی نہیں بلکہ شہری کے حقِ داد رسی کے تحفظ کی بنیادی ضمانت ہے۔

آزادیٔ نقل و حرکت کی خلاف ورزی

عدالت نے اپنے فیصلے میں مزید کہا ہے کہ مناسب قانونی کارروائی کے اصولوں کی خلاف ورزی آئین میں دی گئی آزادیٔ نقل و حرکت کی صریح خلاف ورزی تصور ہو گی.