بسنت کی تقریبات کے لئے جگہ مقرر، خلاف ورزی کی اطلاع دینے پر انعام ملے گا

بسننت تہوار کی تاریخیں

لاہور (ڈیلی پاکستان آن لائن) شہر میں بسنت کے تہوار کو 6 سے 8 فروری تک منانے کے لیے انتظامات کو حتمی شکل دی جا رہی ہے۔

یہ بھی پڑھیں: سیکیورٹی خدشات، اسلام آباد میں کئی مقامات کنٹینرز لگا کر بند کر دیئے گئے، پولیس اور رینجرز اہلکار تعینات

منتخب پارکس

نجی میڈیا کے مطابق بسنت کی تقریبات کے لیے شہر کے مختلف پارکس کو منتخب کیا گیا ہے، جن میں گریٹر اقبال پارک، جلو پارک، جیلانی پارک، گلشنِ اقبال پارک اور ماڈل ٹاؤن پارک شامل ہیں، جبکہ اندرونِ شہر میں بھی بسنت منانے کی اجازت دیے جانے کا امکان ہے۔

یہ بھی پڑھیں: سی ٹی ڈی بنوں پر حملہ، فائرنگ کے تبادلے میں دہشت گرد کمانڈر ہلاک

پابندیاں اور سخت کارروائیاں

ذرائع کا کہنا ہے کہ بسنت کے دوران دھاتی ڈور، تار، تندی اور کیمیکل سے تیار کردہ ڈور کے استعمال پر مکمل پابندی عائد ہوگی، اور اس کی خلاف ورزی کرنے والوں کے خلاف سخت کارروائی عمل میں لائی جائے گی。

یہ بھی پڑھیں: کراچی میں آئل ریفائنری کی لائن سے تیل چوری کے لیے بنی سرنگ پکڑی گئی، 4 ملزمان گرفتار

شہریوں کی حوصلہ افزائی

انتظامیہ کے مطابق ممنوعہ ڈور کے استعمال کی اطلاع دینے والے شہریوں کو 5ہزار روپے انعام دیا جائے گا، تاکہ غیر قانونی سرگرمیوں کی بروقت نشاندہی ممکن ہو سکے۔

یہ بھی پڑھیں: پروفیسر اقبال چوہدری: سرکاری سکول سے تعلیم حاصل کرنے والے سائنسدان جن کے نام پر چین میں تحقیقاتی مرکز قائم کیا گیا

اجازت شدہ مواد کی نوعیت

ذرائع کے مطابق پتنگ بازی کے لیے صرف کمزور شیشے اور مانجھے سے تیار کردہ ڈور کے استعمال کی اجازت ہوگی، جبکہ کسی بھی خطرناک مواد کے استعمال کو روکنے کے لیے خصوصی نگرانی کی جائے گی.

سیکیورٹی اور انتظامات

انتظامیہ کا کہنا ہے کہ بسنت کے موقع پر شہریوں کی جان و مال کے تحفظ کو یقینی بنانے کے لیے سیکیورٹی اور انتظامی اقدامات کو حتمی شکل دی جا رہی ہے۔